web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri Zaev mban fjalën/ Ligji për gjuhën shqipe drejt Parlamentit

8 Gusht 2017, 14:15, Aktualitet CNA

Ligji i ri për qënien e gjuhës shqipe gjuhë zyrtare në  Maqedoni e ka kaluar pragun e miratimit të qeverisë Zaev dhe pritet të miratohet shumë shpejt nga parlamentin maqedonas, të cilin e kryeson shqiptari Tala Xhaferri.

Me përmbajtjen e tij ligji parasheh të shtojë hapësirën e përdorimit zyrtar të shqipes në të gjithë  vendin, ku shqiptarët etnikë përbëjnë rreth një të katërtën e popullsisë prej 2.1 milionë banorë. Por ligji do të lehtësojë komunikimin në gjuhën shqipe në institucione si komunat, spitalet dhe gjykatat.

Ai është produkt i një marrëveshje midis Partisë Social Demokratike (LSDM), të kryeministrit në detyrë Zoran Zaev dhe partnerëve të saj të koalicionit shqiptar, ku u ra dakord të dërgohen për vlerësim dy pjesët kryesore të ligjit në Komisionin e Venecias.

Ndërkohë i është adresuar kërkesë dhe Komisionit të Venecias, të cilit i është kërkuar të vlerësojë nëse hedhja në treg e kartëmonedhave dygjuhëshe dhe uniformave të ushtrisë dhe policisë janë në përputhje me kushtetutën maqedonase dhe marrëveshjen e Ohrit për paqen të vitit 2001.

Nëse kjo pohohet, ato mund të përfshihen lehtësisht në ligj pak më vonë, tha për mediat kryeministri Zoran Zaev të shtunën.

«Nuk do të ketë kartëmonedha dhe uniforma dygjuhësore (në ligjin e ri), nëse Komisioni i Venecias nuk konfirmon se kjo është në përputhje me kushtetutën. Ne nuk kemi paragjykime për këto gjëra. Në ligj është përfshirë çdo gjë që përmirëson cilësinë e jetës së qytetarëve dhe që e lejon kushtetuta», Komentoi Zaev.

Ligji aktual i gjuhës e përkufizon gjuhën shqipe si gjuhë zyrtare, por ajo ka status vetëm në zonat ku shqiptarët përbëjnë mbi 20 për qind të popullsisë, ndërsa ligji i ri ka shkaktuar shumë kritika nga ish-partia qeverisëse VMRO DPMNE, e cila ka akuzuar Zaevin se ka bërë shumë lëshime ndaj partnerëve shqiptarë dhe ka tradhtuar interesat kombëtare të Maqedonisë.





Lajmet e fundit nga