E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Presidenti Ilir Meta alarmon Gardën/Zhduket në mënyrë misterioze nga Shqipëria

8 Gusht 2017, 13:50, Aktualitet CNA

Nëse pyet kur ka qenë dalja e fundit në publik e Ilir Metës, presidentit të ri të Republikës, të gjithë thonë se nuk e mbajnë mend. Mbajnë mend vetëm ditën e zgjedhjeve, teksa që nga Lezha deklaronte për mediat një apel për votuesit lezhjanë që të dalin se po vjen Ilir Meta me eskortën personale dhe miqtë e tij. Ndërkohë që daljen e fundit publike për një sy të vëmendshëm Meta e ka shënuar para një jave teksa takoi ministrin e Brendshëm teknik Dritan Demiraj për situatën e rëndë të zjarreve. Që nga ai moment Presidenti Ilir Meta është zhdukur nga ?radari? i shqiptarëve. Por burimet brenda Gardës së Republikës saktësojnë se për tre ditë me radhë ua ka bërë ?gjakun ujë? Ilir Meta. Për vetë faktin se as grupi i shoqërimit dhe as komandantët e Gardës nuk e dinin vendndodhjen e tij, duke e zhytur në mister faktin se ku është kreu i shtetit.

Ilir Meta kishte lëvizur nga banesa pa lajmëruar askënd, as Gardën, as truprojat që janë në dispozicion të tij si President i vendit dhe as miqtë e tij. Tre ditë stres për gjithë Gardën, për shkak se Presidenti Meta ishte zhdukur pa lënë gjurmë. I shoqëruar vetëm nga eskorta e tij private dhe miqtë e tij. Ndërkohë që në raportet ditore të Gardës nuk shënohej asgjë, pasi nuk e dinin ku është Presidenti i ri. Dhe as familja e tij. U desh ndihma e sistemit ?Tims? për të parë se Presidenti Meta kishte dalë nga kufiri shqiptar përmes Malit të Zi. Më pas me investigime të shumta u arrit që të merrej informacioni i detajuar se kreu i ri i shtetit Ilir Meta po pushonte bashkë me familjen në resortin e tij turistik në Kroaci. Mbajta e fshehtë e lëvizjes jashtë vendit dhe e vendqëndrimit nga ana e Metës, tashmë që është kreu i shtetit dhe duhet të jetë gjithnjë nën shoqërim dhe mbrojtje të rreptë, mbetet vërtetë mister. Pasi është vetëm nën shoqërinë e familjes dhe eskortës private dhe miqve të tij. Mendohet se ka dashur të qëndrojë larg kamerave dhe larg mbikëqyrjes së shtetit(Gardës) së paku për këto pushime, para se të fillojë me kapacitet të plotë ushtrimin e detyrës së Presidentit të vendit.

Ndërkohë që mendohet se ka dashur dhe të mos bërë publik resortin e tij turistik në Kroaci, tashmë që është nën mbikëqyrjen e rreptë të Gardës por dhe të shërbimeve inteligjente. Njëherësh nuk mund të hamendësojmë se ka pasur dëshirë dhe të mbyllë ca pazare biznesi në Kroaci sikurse flasin gojët e liga, por që mbeten për t?u verifikuar. Gjithsesi është rast i paprecedent që Presidenti të zhduket nga Shqipëria pa lajmëruar Gardën e Republikës që e ka nën ruajtje./Pamfleti.com