Thellohet skandali me motorët e ujit/Polici i shkruan CityNews: Në lojë dhe shefat!

3 Gusht 2017, 13:37, Aktualitet CNA

CityNews publikoi një ditë më parë një denoncim që vinte nga plazhi i Drimadhes, ku motorët e ujit dhe mjete të tjera lundruese po qarkullonin hapur në mes të detit me ?leje nga lart?, duke rrezikuar jetën e pushuesve. Menjëherë pas këtij denoncimi, ka mbërritur në redaksinë e CityNews.al një tjetër reagim, këtë radhë nga një punonjës i policisë në postën e policisë në Dhërmi.

Punonjësi i policisë sqaron se ata janë të pafuqishëm ta ndalojnë qarkullimin e motorëve të ujit në mes të plazheve në Drimadhe dhe Dhërmi. Në mesazhin e tij dërguar CityNews, ai shkruan se kanë vajtur disa herë, por nuk i kanë lënë të ndërhyjnë, pasi ata që kryejnë këtë aktivitet ofrojnë shëtitje në det me çmim 100 dollarë për pushuesit vendas për një orë dhe 200 USD për të huajt dhe kanë mbrojtje nga lart.

Më tej, pa nxjerrë emra, punonjësi i policisë thotë se në lojë është edhe ndonjë nga shefat e tij, si dhe vetë Drejtori i Përgjithshëm i Policisë së Shtetit, Haki Çako, i cili sipas tij, është me ?shërbim? në Dhërmi, aty ku ndodhet dhe kryeministri Edi Rama me pushime.

Denoncimi i plotë:

Jam nje punonjes i policise ne posten e policise ne Dhermi! Duke marre shkas nga lajmi juaj i djeshem po ju shkruaj per tju thene se ne jemi te pafuqishem ta ndalojme qarkullimin e motoreve te ujit dhe te mjeteve te tjera lundruese ne mes te plazheve ne Drimadhe e Dhermi! Kemi vajtur disa here, po nuk na lene se ata qe e kryejne ate aktivitet duke ofruar shetitje ne det me cmim 100 dollare per pushuesit vendas per nje ore e 200 uds per te huaj, kane mbrojtje nga lart. Ju kam kerkuar shefave te mi ta bejne zyrtarisht kete sqarim sepse pushuesit na akuzojne ne duke thene se policia ndan parate me ta, po nuk pranojne! Ndoshta eshte ne loje edhe ndonje nga shefat tane se nuk ka si kuptohet qe ky aktivitet i paligjshem sepse aty nuk ka as kase fiskale dhe nuk jepet kupon tatimor te hapet e funsionoje ne mes te njerezve nderkohe qe ne Dhermi gjendet me pushime vete kryeministri dhe eshte me “sherbim” edhe drejtori i pergjithshem i policise se shtetit! Kerkoj nga ju ta publikoni kete sqarim, duke me respektuar privatesine per te mos e deklaruar emrin tim se me pushojne nga puna!/CityNews

Denoncimi alarmues në CityNews/Motorët e detit biznes në Drimadhe, kush iu dha leje