E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Vrasja për një karikues e Marvi Mihalit/Rrëfimi prekës i të atit: I çanë aortën me thikë

2 Gusht 2017, 06:56, Aktualitet CNA

Një 22-vjeçar ka mbetur viktimë i një sherri banal të nisur mes të rinjsh në Tiranë. Shitja e një aparati celular dhe mosdhënia e karikuesit të tij, është shkaku i vdekjes së djalit të vetëm të atletit Pavllo Mihalit, Marvi Mihali. Ky i fundit është përfshirë në sherrin e hapur mes dy grupeve të rinjsh.

Burime nga Policia e Tiranës bëjnë të ditur se shoku i Marvi Mihalit i kishte shitur 19-vjeçarit, Dejvid Bitraj, një aparat celular. Të rinjtë debatojnë ashpër me njëri-tjetrin pasi shoku i viktimës nuk i kishte dhënë karikuesin. Mes të rinjve ka nisur një sherr i ashpër dhe viktima, 22-vjeçari është thirrur për ndihmë nga shoku i tij.

Konflikti i tyre ishte tepër i ashpër dhe 19-vjeçarit i vijnë në ndihmë kushërinjtë e tij më të mëdhenj. E më i madhi mes kushërinjve, Eugen Bitraj, 24 vjeç nxjerr thikën dhe e qëllon disa herë Mihalin duke e lënë të vdekur në vend. Ndërsa, sipas Policisë 3 autorët largohen nga vendngjarja, thikën e hedhin në lumin Lana. Pak orë pas ngjarjes policia arreston autorin e dyshuar të krimit Eugen Bitraj dhe tre bashkëpunëtorët e tij, Dejvi Bitraj, 19 vjeç, Kridens Alla, 19 vjeç, Marsel Alla, 23 vjeç.

Marvi Mihali ishte djali i vetëm i atletit Pavllo Mihali. Dhimbja është e madhe dhe familja kishte hapur dyert e mortit. Në një reagim lidhur me ngjarjen e rëndë ku djali i vetëm i tij humbi jetën, Pavllo Mihali tregon për ?Shekulli-n?, se e vërteta e ngjarjes është për një karikues.

Por sipas tij, Marvi u sulmua nga grupet e gangsterëve, duke i çarë aortën. Ai thotë se Marvi ishte vetë i dytë në atë sherr dhe nuk ka mundur të shpëtojë nga thika e sulmuesve, që sipas tij ishin të shumtë, 10-15 vetë. Pavllo Mihali thotë se djali i tij nuk kishte asnjë njohje me sulmuesit e tij.

?E vërteta është sipas organeve të policisë. Për Marvin shkruajnë shokët e vet të shkollës, si djalë model dhe shembullor. Grupet e gangsterëve i ranë me thikë duke i çarë aortën, ata ishin 10-15 veta, kurse djali im ishte vetë i dytë. Marvi nuk i njihte. Një shok i Marvit ja kishte shitur vagabondëve celularin. Shoku thërret Marvin nga lokali. Marvi nuk u përfshi në sherr, 3 grupet erdhën dhe i sulmuan këta të dy. Marvit ja ngulën thikën!?, rrëfen babai i djalit të vetëm, të cilit iu pre jeta në dysh.

Autori dyshohet se e ka hedhur thikën në Lanë, ndërsa policia ushtroi kontrolle në mëngjes herët por pa mundur të gjejë armën e krimit. Katër të rinjtë e vënë në pranga akuzohen për ?vrasje me dashje e kryer në bashkëpunim?. 22-vjeçari u dërgua menjëherë në Spitalin e Traumës, por fatkeqësisht ai nuk mundi t?i përballonte dot plagët e marra.

Ndërkohë, ngjarja e rëndë mësohet se ka ndodhur rreth orës 23: 30 të së hënës. Marvi Mihali, sipas Policisë është gjetur pa ndjenja në rrugën ?Gjin Bue Shpata?, aty ku ka ndodhur edhe ngjarja. Sipas dëshmitarëve, sherri mes të rinjve ka ndodhur shumë vonë dhe për shkak të errësirës nuk është kuptuar asgjë. Por, mësohet se kanë qenë kalimtarë të rastësishëm ata që kanë njoftuar Policinë për atë çfarë po ndodhte.