E fundit!

11:09 Aktualitet

Seanca në GJKKO për dosjen “Sterilizimi”/ SPAK kërkon rrëzimin e 23 kërkesave të ish-ministrit

Ditën e sotme në Gjykatën e Posaçme po zhvillohet seanca e...

A po e djeg Berisha jorganin për pleshtin e tij?!

2 Gusht 2017, 15:13, Aktualitet CNA

Ish kryeministri dhe lideri historik i Partisë Demokratike, Sali Berisha në ditën e votimit për zgjedhjen e kreut të PD tha, ?Dëshiroj të uroj në paradhënie fitimtarin?.

Ky ishte reagimi i parë dhe i fundit i Berishës për rizgjedhjen e Lulzim Bashës në krye të PD.

Kreu aktual është përzgjedhja personale e Berishës në 2013, por a është kjo zgjedhje e atëhershme një sukses i Berishës, apo tashmë pas rizgjedhjes nuk ka çfarë bën tjetër?

Por a mund t?i falet Berishës një rizgjedhje e gabuar sepse fatkeqësisht po gabon së dyti. Jo sepse po e rizgjedh ai, por sepse tek ai është parë nga demokratët bindja se sa vlen apo nuk vlen Lulzim Basha.

E në qoftë se ka një dështim të Sali Berishës në karrierën e tij politike, koha ka dhënë vetëm një emër, ai është Lulzim Basha.

Jo për inat politik, por për faktin se në katër vite në krye të PD, Lulzim Basha e rrudhi partinë heroike të Berishës që në 27 vite, megjithëse në minorancë në votë elektorale me të majtën, mundi ta drejtojë vendin për të paktën 13 vite.

Sot PD ka një kryetar të rizgjedhur, të cilin Berisha ende nuk e ka uruar, por ka ngelur te fjala e datës 22 korrik.

Por çfarë mund të thoshte më tej dhe si mund ta uronte Sali Berisha Lulzim Bashën, kur ky i fundit u kap duke vjedhur dhe manipuluar votat.

Një gjë të tillë kurrë nuk e ka bërë Berisha në partinë e tij, ku kishte kontroll të plotë.

Lulzim Basha i ndodhur përballë braktisjes së demokratëve dhe pas një humbje katastrofike në zgjedhjet parlamentare, bëri atë që s?e kishte bërë askush më parë në PD, të vidhte votat për t?u quajtur ?lider? i gjithëmbështetur.

Sot në moshën 74 vjeçare, Sali Berisha po shikon se si po i vidhet partia e tij, se si po i rrudhet partia e tij, se si në krye dalin kllouna, palaço dhe sharlatanë politikë të gjithçfarëllojshëm.

Berisha këta rri e i shikon, i vështron nga afër dhe nga larg, ndoshta diku edhe ndërhyn, por fatkeqësisht ajo që po ndodh është se sjellja e tij, tërheqja dhe mbyllja në ?guaskë?, ka bërë që Lulzim Basha të ?livadhisë? sipas qejfit.

Por kjo do të kishte vlerë, nëse ai do të ishte lider dhe një politikan potent, në fakt për të keqen e Berishës dhe të mirën e tij, ai është e kundërta.

Sali Berisha po e shikon se si një pioner politik dhe aventurier i paepur po shkatërron dhe po djeg duke tentuar ta rrënojë pafundësisht Partinë Demokratike.

Dhe Berisha të paktën publikisht nuk ka lëvizur as gishtin. Ai e shikon dhe vlerëson gjithçka, por ndoshta për pleshtin e tij, Sali Berisha është i gatshëm të djegë gjithë jorganin.

Është ai që e zgjodhi katër vite më parë, fatkeqësisht, tashmë ndoshta ishte i pafuqishëm të ndalte rizgjedhjen e tij.

Në fakt jorganit ia vuri zjarrin katër vite më parë, tani thjesht dhe vetëm po shikon se si jorgani po digjet për pleshtin e tij./CityNews