Zakonet e njerëzve të mërzitshëm

31 Korrik 2017, 16:33, Kuriozitete CNA

Pak a shumë të gjithëve na ka ndodhur të gjendemi në situata të sikletshme ku nuk kemi ditur çfarë të bisedojmë më dikë tjetër. Ndonjëherë mund të keni pyetur veten nëse është faji juaj se mund të jeni të mërzitshëm.

Por ja cilat janë zakonet të cilat duhet t?i devijoni në mënyrë që të jeni gjithmonë tërheqës në ambjente sociale.

1) Njerëzit e mërzitshëm bëjnë biseda të çekuilibruara

Në vend që të gjejnë një ritëm mes të folurit dhe të dëgjuarit, njerëzit e mërzitshëm janë ata të cilët në një bisedë vëtëm flasin ose vetëm dëgjojnë çka mund ta bëjë një bisedë jo frytdhënëse ku bashkëbiseduesit nuk marrin e japin nga njëri-tjetri njëkohësisht.

2) Njerezit e mërzitshëm nuk dinë të dallojnë nëse të tjerët janë të përfshirë në një bisedë

Nëse ju jeni një njeri i mërzitshëm me shumë mundësi ju nuk dini të vini re gjuhën e trupit të bashkëbiseduesit. Ajo çka sipas disa ekspertëve e bën një njëri të mërzitshëm është mungesa e aftësisë për të lexuar sinjalet e gjuhës së trupit të dikujt tjetër duke mos kuptuar nëse të tjerët janë të interesuar ose jo në bisedë.

3) Njerëzit e mërzitshëm nuk dinë të bëjnë të tjerët të qeshin

Aftësia për t?i bërë të tjerët të qeshin do të thotë që personi zotëron fleksibilitet dhe arrin të shikojë një ide në perspektiva të ndryshme. Njerëzit e mërzitshëm nuk e kanë këtë aftësi.

4) Njerëzit e mërzitshëm bëjnë gjithmonë të njëjtën gjë Nëse ju kaloni çdo fundjavë në një bar dhe nuk keni bërë asgjë interesante gjatë gjithë javës atëherë shancet janë që ju nuk keni asgjë interesantë për të treguar. Gjeni sa më shumë kohë për aktivitete të ndryshme të cilat do të kthehen në ngjarje e histori interesante për t?u treguar.

5) Njerëzit e mërzitshëm nuk dinë të shprehin opinionet e tyre

Nëse nuk e keni menduar botën qe ju rrethon në mënyrë kritike atëhere nuk do të keni se çfarë të ofroni në një bisedë. Zakonisht njerëzit e mërzitshëm nuk arrijnë të shohin përtej gjërave qe u jan diktuar të besojnë dhe ata japin vetëm një këndvështrim shumë të vogël mbi atë që i rrethon.

6) Njerëzit e mërzitshëm nuk dinë të tregojnë histori

Ajo çka e bën një njeri interesant është aftësia për të treguar ngjarje apo histori në mënyrë interesante duke i përfshirë dëgjuesit në të. Zakonisht njerëzit e mërzitshëm nuk dinë të tregojnë ngjarjet në mënyrë interesante.

7) Njerëzit e mërzitshëm nuk arrijnë të shohin pikëpamjet e tjera

Njerëzit e mërzitshëm janë zakonisht ata të cilët nuk arrijnë të kuptojnë se si një person tjetër po përjeton një bashkëbisedim. Ajo çka e bën një njeri interesant është fleksibiliteti dhe aftësia për t?a vënë veten ne vendin e tjetrit./