web counter
LEXO PA REKLAMA!

SHKARKO APP

App Store
Google Play

E fundit!

x

Del më në fund zgjidhja/ Ja si të ruani baterinë e celularit tuaj

30 Korrik 2017, 13:46, Kuriozitete CNA

Shpesh mund t?ju ndodhë që në mes të ditës celulari juaj të fiket pasi bateria e tij është harxhuar e tëra.

Jo gjithmonë mund të keni me vete karikuesin e celularit tuaj t?ju shpëtojë dhe kështu mund t?ju hapen shumë probleme. Por mos u shqetësoni pasi për këtë ka një zgjidhje.

Vetëm duke kryer disa aplikaciuone të thjeshta në smartphonin tuaj ju mund të rezervoni më shumë bateri edhe ta bëni atë të zgjasë më gjatë.

Ja se çfarë mund të bëni:

1.Mos karikoni celularin tuaj gjatë natës

Kjo mund të duket e çuditshme dhe jo e logjikshme por karikimi i celularit gjatë natës mund ta dëmtojë atë. Kjo metodë ka treguar se e mbingarkon celularin tuaj dhe madje ul ndjeshëm jetën e baterisë së celularit tuaj. Zgjidhja më e mirë është ta karikoni celularin tuaj gjatë ditës, kur jeni në punë.

2.Fikni aplikacionet e panevojshme

Në celularin tuaj ju mund të keni shkarkuar aplikacione nga më të shumëllojshmet por disa prej tyre harxhojnë shumë bateri. Ju mund të kontrolloni se cilat prej aplikacioneve që ju përdorni janë ato që ngarkojnë më tepër celularin tuaj dhe t?i hiqni ato.

3.Ulni dritën e ekranit tuaj

Një ndër opsionet më tërheqëse të një smartponi është mundësia që ai ofron për të shfaqur çdo gjë me kapacitetin më të lartë të ngjyrës dhe ndriçimit në ekran. Por, ky opsion gjithashtu merr dhe shumë energji nga celulari juaj duke shkaktuar harxhimin e baterisë.

Ju mund të rregulloni ndirçimin e celularit tuaj në një nivel ttë kënaqshëm i cili është i përshtatshëm dhe për të parë ato çka shfaqen në ekran por dhe duke ruajtur baterinë e tij.

4.Fikni dridhjet

Mund t?ju duket e pabesueshme por dridhjet e celularit harxhojnë më tepër bateri se sa zilet. Ndaj nëse doni të ruani celularin tuaj fikni dridhjet për njoftimet apo mesazhet.

5.Shkurtoni kohën e kyçjes

Në celularin tuaj ju mund të rregulloni kohën e kyçjes së tij. Ju mund të zgjidhni që celulari të kyçet vet automatikisht apo pas disa sekondash. Opsioni më i mirë nëse doni te ruani baterinë është që celulari të kyçet menjëherë vetë pasi e keni përdorur atë.

6.Fikni Bluetooth

Rrallëhere mund t?ju shkojë ndërmend por Bluetooth harxhon me të vërtetë shumë bateri, ndaj ju mund ta fikni atë kur nuk e përdorni.

7.Fikni GPS

Nëse ju mbani gjatë gjithë kohës ndezur opsionet e GPS ato do të jenë duke punuar gjatë gjithë kohës në gjetjet e vendodhjeve dhe kështu bateria e celularit tuaj mund të harxhohet më shpejt nga sa e mendoni. Fikeni këtë opsion dhe do të shihni se bateria juaj do të zgjasë më shumë.

8.Fikni njoftimet

Nëse ju keni ndezur njoftimet për çdo aplikacion në celularin tuaj, atëhere këto njoftime do t?ju vijnë gjatë gjithë kohës duke e bërë celularin tuaj të jetë vazhdimisht në punë dhe duke harxhuar bateri.

9.Mbajeni celularin tuaj të ftohtë

Teksa jeni duke shpenzuar kohë në rrjetet sociale apo duke punuar me celularin tuaj mund ta keni vënë re se ai fillon të nxehet. Kjo ndodh sepse celulari juaj po përdor shumë bateri për të procesuar diçka. Gjithashtu, kjo mund të ndodhë nëse ju e lini celularin tuaj në vende të ngrohta, në diell apo nëse ju jeni duke e përdorur atë teksa karikohet. Përpiquni mos të përdorni celularin tuaj teksa e karikoni atë pasi kjo mund të dëmtojë më tepër baterinë e tij.

10.Investoni në një celular me bateri më të madhe

Disa smartphonë mund të kenë bateri më të vogla se disa të tjerë. Nëse nuk doni që bateria e celularit tuaj të harxhohet brenda dy orëve përpiquni të investoni e të blini smartphone të cilët kanë bateri më të mëdha dhe që zgjasin më shumë./CityNews

 





Lajmet e fundit nga