Sa thjesht qeveris Erion Veliaj, u rrit taksat qytetarëve

26 Korrik 2017, 12:30, Aktualitet CNA

Rritja me dyfishin e shumës, që paguhet aktualisht, e tarifës së ujit të pijshëm është sipërmarrja më e fundit e ndërmarrë nga kryebashkiaku i kryeqytetit, Erion Veliaj, që vijon trendin e sigurimit të fondeve për investime, duke ja futur qytetarëve.

Këtë rritje Erion Veliaj e justifikon me sigurimin e fondit të kredisë 12o milion euro për të zhvilluar më tej sistemin e furnizimit me ujë në mënyrë që, pas disa viteve, tiranasit të kenë furnizim me ujë gjatë 24 orëve. Ambicia e Erion Velisë është për tu përshëndetur mirëpo të rrjepësh qytetarët për të siguruar fondin e duhur të investimit nuk është meritë drejtuese, por puna më e thjeshtë.

Është një praktikë që për vite e vite me rradhë e aplikuan edhe ndërtues pallatesh me tetë klasë shkollë, të cilët u kërkonin paratë e investimit të pritshëm qytetarëve që dëshironin të merrnin apartamente, kur pallati ende ishte në themele. Dhe më pas me paratë e grumbulluara prej dhenësve të ?kaparit? vijonin ndërtimin e apartamenteve, duke ja plasur buzën qytetarëve të zenë si miu në çark?

Të investosh duke rrjepur qytetarët nuk është meritë e as aftësi drejtuese, ndaj, nëse për jo pak sipërmarrje shërbyese Erion Veliaj duhet përgëzuar, për strategjinë e rritjes së taksave duhet kundërshtuar. Pasi me arbitraritetin e vendosjes së tyre nuk ka bërë tjetër veçse u?a ka shtrenjtuar jo pak jetën e përditëshme tiranasve që e zgjodhën duke i besuar të kundërtën.

Po ti kthehesh historikut të taksave të shtuara nga Erion Veliaj mëson se në muajin nëntor të vitit 2015 me këmbëngulje të tij u miratuan tarifat e reja të parkingjeve. Si pasojë, aktualisht, rreth gjashtëdhjetë përqind e tyre, në më shumë se shtatëdhjetë rrugë të kryeqytetit, janë bërë me pagesa tarifat e të cilave janë jo të përballueshme për qytetarët e shtresës së mesme e më poshtë.

Nën justifikimin e zgjerimit dhe përmirësimit të cilësisë së arsimit, Erion Veliaj vendosi të ashtuquajturën ?taksa për arsimin?, ku çdo familje detyrohet të paguaj 1800 lekë në vit, bizneset e vogla 4000 lekë dhe ato të mesme e të mëdha akoma më shumë. Edhe kjo nuk ishte taksa e fundit, pasi nga shkurti 2016, qytetarët e kryeqytetit paguajnë dhjetë lekë më shumë për biletën e transportit brendaqytetës, pas një vendimi që u ligjërua pasi më parë Erion Veliaj u shpreh kategorik kundër dhe ?u thye?, duke sajuar premtime për rritjen e cilësisë së shërbimit etj.,pelivanlliqe.

Sot kryeqytetasit paguajnë biletën dyzetë lekëshe nga tridhjetë që ishte, ndërsa shërbimi që ofrojnë kompanitë e transportit vijon të jetë skandaloz.

Këtyre taksave të rritura u shtohet edhe ajo tetë përqindëshe e ndërtimit që ka sjellë si pasojë rritjen e çmimit të apartamenteve dhe nuk është aspak ?një mënyrë për të siguruar më shumë të ardhura nga fitimet e ndërtuesve?, sikurse e ka argumentuar Veliaj.

Por të rritura gjatë këtyre dy viteve të qeverisjes Veliaj rezultojnë edhe tre taksa të tjera të cilat qytetarët e kryeqytetit janë të detyruar ti paguajnë së bashku me faturën e ujit. Bëhet fjalë për taksën për pronën, atë të pastrimit dhe infrastrukturës arsimore, që janë në fuqi që prej vitit 2016./CityNews