web counter
LEXO PA REKLAMA!

SHKARKO APP

App Store
Google Play

E fundit!

x

Çfarë pritet të ndodhë në PD?

25 Korrik 2017, 10:22, Aktualitet CNA

PD mbylli garën formale për kryetar. Një rezultat qesharak, ku Lulzim Basha bëri gjithçka që të dilte mbi 50 mijë vota, për të treguar se kishte mbështetjen e demokratëve që e votuan masivisht.

Faktet folën ndryshe. Në Korçë pas një monitorimi rezultoi se ishin shtuar në kuti të paktën 600 vota, afërsisht dyfishi. Në Vlore votuesit hidhnin nga 3 herë fletë votimi në kuti. Në Maliq votuan 300 vetë u raportuan 1600 e kështu me rradhë.

Më një proces farsë Lulzim Basha i shkoi deri në fund mashtrimit të tij. Këtë herë ndaj demokratëve dhe gjithë shqiptarëve të cilët e panë se kreu i PD, manipuloi dhe mashtroi publikisht.

Kjo kaloi, por çfarë do ndodhë tani? Pritet që Lulzim Basha të fillojë analizën në parti dhe të zhvillojë zgjedhjet në bazë. Lëvizje për të forcuar më tej pozitat e tij dhe të atyre që e ndjekin nga pas.

Në fakt shifra e vërtetë e votuesve dhe mbështetësve nuk i kalon 20 mijë, por kjo për Bashën ska rëndësi. Ai do zhvillojë një analizë formale, përgjegjësinë do ta kalojë tek ata që përjashtoi, do qeshë kur të kërkojë ndjesë dhe do falënderojë këdo për mbështetjen. PD do vazhdojë të qëndrojë e mpakur dhe duke lënguar.

Lulzim Basha i pasuar edhe nga disa personazhe të pavlera politike si Jemin Gjana, Genc Pollo, Edmond Spaho, Ervin Salianji edhe shumë të tjerë do vazhdojë të bëjë një opozitë fasadë. Do e shohim të flasë rrallë për çështje thelbësore në parlament dhe gjithçka mbyllet kështu deri në zgjedhjet lokale. Një organizim në degë ku sërish për dy vite pritet që mos përfundojnë kurrë.

Do rifillojë një fushatë elektorale me nota pozitiviste, do jetë më i ashpër me Ramën, do i humbasë keqazi dhe do thotë fituam, kemi ngritje, ashtu siç edhe tha në 2015.

Këtu mund të rikthehen sërisht më fort dhe më të bashkuar ?rebelët? në rast se do jenë ende pjesë e PD.

Pas zgjedhjeve lokale PD do jetë me e dobet, baza edhe më e shpartalluar. Dhe kjo vetëm për një arsye, Lulzim Basha nuk inspiron, ai nuk ka aksion, nuk është lidër por thjesht një instrument i keqpërdorur që po vret çdo ditë partinë që rrëzoi komunizmin në Shqipëri. Për Bashën nuk ka vlerë si ndjehen dhe çfarë ndodh në bazë, por si fryhet llogaria bankare e tij dhe familjes. Ai kurrë nuk u ngrit dot në lartëzinë e një lideri por ngeli një pazarxhi naiv që e gënjejnë ashtu siç edhe ai mashtron çdo ditë demokratët./CityNews





09:15 Aktualitet

Urime legen!

Nga  Ilir LEVONJA1) Duhet të ketë qënë viti 2011 kur në atë ...

Lajmet e fundit nga