web counter
LEXO PA REKLAMA!

SHKARKO APP

App Store
Google Play

Një muaj nga katastrofa elektorale e Lulzim Bashës

25 Korrik 2017, 09:00, Aktualitet CNA

Sot është 25 korrik, një muaj nga dita e zgjedhjeve, e cila i dha një rezultat katastrofik PD, me të vetmin person përgjegjës, Lulzim Bashën.

Njeriu që mori çdo vendim personal, me hyrjen në çadër, më firmosjen e marrëveshjes me Edi Ramën, me listat e kandidatëve të PD, me zhvillimin e fushatës elektorale, me heqjen e logos dhe simboleve te PD, Lulzim Basha kërkoi që çdo meritë ta merrte vetë dhe faturën e mori me 25 qershor nga shqiptarët.

Sot një muaj pas zgjedhjeve, jemi aty ku ishim 4 vite më parë. Basha është në krye të PD, me një parti më të vogël, ku për herë të parë në historinë e saj është regjistruar një falsifikim publik rezultati.

Një garë falsë, ku Lulzim Basha e çoi Partinë Demokratike në minimumin e saj historik. Pas zgjedhjeve, deklaroi se ia blenë zgjedhësit, se shqiptarët u shitën dhe deri më sot pas shkrirjes së tij nuk ka asnjë fakt dhe denoncim të publikuar nga PD dhe Lulzimi për humbjen e 25 qershorit.

Të gjitha rastet e denoncuara janë nga eksponentë të LSI dhe një drejtor të PS, që në fakt në zonat ku kanë inflencuar dhe në qendrat e votimit ku është bërë blerja nuk kanë dhënë asnjë efekt elektoral, sepse diferenca e votave ka qenë e njëjta e katër viteve më parë.

Basha u ankua se shqiptarët u shitën dhe ia blenë demokratët, kur kishte gjysmën e qeverisë, ministrin e Brendshëm dhe të gjitha institucionet kryesore në vend.

Më gjithë këto mundësi, Luli ende nuk ka na ka dhënë asnjë fakt dhe provë për manipulimin e zgjedhjeve dhe turpësisht nuk pranon humbjen e tij  dhe mbajtjen e përgjegjësisë, por shkon dhe rizgjidhet në një garë qesharake në krye të PD, duke e përçarë më tej atë forcë politike dhe duke e çuar në momentet më të vështira të saj./CityNews





Lajmet e fundit nga