web counter
LEXO PA REKLAMA!

SHKARKO APP

App Store
Google Play

Lulzimi vyshk kudo që prek!

25 Korrik 2017, 09:50, Aktualitet CNA

I ardhur në politikë pa asnjë eksperiencë, ditën e parë që ka zbritur nga avioni në Tiranë është rekomanduar tek ish lideri i opozitës së atëhershme Sali Berisha, Lulzim Basha është njeriu që atëherë u shpall ylli në shkëlqim apo lulja që do të rritej në PD.

Në fakt Lulja u rrit, sot është kryetar i PD, por fakti është se që ditën e parë që kanë qenë në drejtim të saj, ai vetëm ka vyshkur.

Nga 2005 në vitin 2015, për dhjetë vite, Lulzimi brodhi të gjitha ministritë kryesore të vendit, Ministria e Punëve Publike, Ministria e Jashtme dhe Ministria e Brendshme, më pas për katër vite në Bashkinë e Tiranës.

Kudo ku shkoi nuk mbolli asnjë sukses, në ministrinë  e Punëve Publike përfundoi në gjykatë, në Ministrinë e Jashtme firmosi marrëveshjen detare me Greqinë iu rrëzua nga Gjykata Kushtetuese. Me 21 Janar 2011, kur u vranë 4 persona në Bulevard ishte ministër i Brendshëm.

Më pas 4 vite mori drejtimin e Bashkisë së Tiranës, ai pretendon se ka bërë shumë punë, por në fakt nuk rikandidoi, duke treguar se tashmë Tiranën e kishte humbur, ajo e kishte refuzuar Lulzim Bashën.

Lulzimi vyshk kudo që prek. Të gjitha ministritë që përmendëm më lart kanë skandale, Bashkia e Tiranës ka rezultat negativ dhe vyshkjet e tij nuk do të ndaleshin me kaq. Ai prej katër vitesh ndodhet në krye të PD, të cilës i dha vyshkjen e madhe me 25 qershor.

Lulzim Basha pas buzëqeshjes së tij fsheh vetëm vyshkje, kudo që prek dhe kudo që shkon./CityNews





09:15 Aktualitet

Urime legen!

Nga  Ilir LEVONJA1) Duhet të ketë qënë viti 2011 kur në atë ...

Lajmet e fundit nga