web counter
LEXO PA REKLAMA!

SHKARKO APP

App Store
Google Play

E fundit!

x

Monika Kryemadhi “e braktis”/Kush do të jetë për 5 vite Zonja e Parë e Ilir Metës, detajet ç’do të ndodhë sot

24 Korrik 2017, 06:56, Aktualitet CNA

Ditën  e sotme, ish Kryeparlamentari dhe ish Kryetari i Lëvizjes Socialiste për Integrim, pritet të marrë zyrtarisht postin e Presidentit.

Seanca parlamentare, ku Ilir Meta do të bëjë betimin për qënien për pesë vite në krye të shtetit shqiptar do të zhvillohet në orën 18:00.

Megjithëse Ilir Meta u zgjodh vetëm me votat e dakortësisë së të majtës, pa pjesëmarrjen e opozitës, pritet që në këtë seancë parlamentare të marrin pjesë të gjithë deputetët  e legjislaturës 2013-2017.

Pasi një nga krerët e Kuvendit  të lexojë formulën e betimit, Ilir Meta do të deklarojë ?Betohem?.

Më pas në Kuvend do të ekzekutohet himni kombëtar dhe Presidenti pasi të bëjë betimin merr fjalën e tij përshëndetëse.

Paskësaj eskorta e Ilir Metës do të niset për në selinë e presidencës. Ndryshe nga çdo president tjetër në Shqipëri, Ilir Meta do të jetë i vetmi që në këtë ceremoni, nuk do të ketë në krah bashkëshorten Monika Kryemadhi.

Monika Kryemadhi ka deklaruar publikisht që është deputetë, tanimë edhe kryetare e partisë së tretë më të madhe në vend dhe se nuk do ta lërë politikën për rolin e ?Zonjës së Parë?.

Megjithëse flitet që Ilir Meta në këtë ceremoni do të shoqërohet nga një prej vajzave të tij, askush tjetër përveç bashkëshortes nuk e mban pozicionin e ?Zonjës së Parë?. Në rastin konkret, kur Monika e ka refuzuar këtë pozicion, Ilir Meta paraqitet ?President i pashoqëruar?./CityNews





Lajmet e fundit nga