E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Masakroi me skaf turisten në Ksamil/Zbardhet çfarë tha Ermali në Polici

23 Korrik 2017, 19:54, Aktualitet CNA

Policia ka arrestuar një 31-vjeçar, si të dyshuarin kryesor për vdekjen e turistes ruse në Ksamil.

I dyshuari ne fjalë është Ermal Fataj, i cili është arrestuar nga Policia.

31-vjeçari përdor një skaf, i cili ofron shëtitje për turistet. Dyshimet kryesore konstatojnë se ai ka goditur 15- vjeçaren ruse, Ksenia Roik, me mjetin lundrues, teksa kjo e fundit po notonte në det.

Ksenia Roik, 15 vjeçe, humbi jetën në mënyrë tragjike pasi u godit nga një mjet lundrues afër vendit të quajtur ?Tre Ishujt?.

31- vjeçari Fataj mësohet se është nga Ksamili dhe prej disa vitesh merret me ofrimin e shëtitjeve me skaf për turistët.

Dyshimet e forta të Policisë erdhën pas gjetjes së flokëve të një vajze në skafin e Ermalin.

Do të jetë ekspertiza e ADNsë, e cila do të zbulojë nëse bëhet fjalë për flokët e turistes. Por ka dhe një tjetër detaj që implikon të riun nga Ksamili në këtë ngjarje, ai është përpjekur që ta fshehë skafin pas ngjarjes së rëndë.

Deshmia ne Polici

Mësohet se 31-vjeçari Fataj nuk ka pranuar në Polici për goditjen e vajzës.

?Nuk kam parë gjë dhe as nuk kam kuptuar fare se çfarë ka ndodhur?, është shprehur ai para oficerëve të Policisë. Por, ndalimi i 31-vjeçarit është bërë me urdhër të Prokurorisë, pasi në mjetin e tij lundrues u gjetën prova biologjike, të cilat janë dërguar për ekspertim.

Sipas Prokurorise, jane pyetur disa persona, perfshire edhe personin e dyshuar. Ky i fundit deklaron se ka levizur me skaf ne oren qe ka ndodhur ngjarja, por mohon te jete pergjegjes per ngjarjen, duke u shprehur se, nese do te kishte goditur te ndjeren, do e kishte ndjere dhe do te merrte masa per t?i ardhur ne ndihme.

Ne keto kushte, Prokuroria e Sarandes ka krijuar dyshime te arsyeshme se shtetasi Ermal Fataj mund te kete goditur turisten ruse.

Por, për të arritur në përfundime me te sakta nëse eshte pikerisht ky shtetas (Ermal Fataj) autor i vepres penale te parashikuar nga neni 85 i K.Penal, duhet të bëhet një vlerësim me i sakte vetëm pasi të kryhen aktet e ekspertimit mjeko/ligjor per te percaktuar kategorine e demtimeve dhe shkakun e vdekjes se viktimes, si dhe akti i ekspertimit biologjik I kampioneve dhe provave te tjera materiale te gjetura tek mjeti I tij lundrues dhe te sekuestruara prej policise gjyqesore, per te percaktuar ne menyre shkencore nese ato perputhen dhe i perkasin ose jo viktimes, pra per te percaktuar saktesisht nese eshte pikerisht ky shtetas (Ermal Fataj) subjekti i vepres penale me pasoje vdekjen e shtetases ruse. Vetem pas këtij momenti të procesit hetimor do të bëhet një vlerësim më i saktë i rrethanave të fakti.

Pavarësisht këtij pretendimi, Policia ngre dyshime se i riu ka parë gjakun e përhapur në ujë nga plaga e shkaktuar në kokë apo edhe ka ndjerë goditjen e helikës, por është larguar me shpejtësi duke mos i ardhur në ndihmë vajzës së dëmtuar.

Skafi lundrues i 31?vjeçarit është 90 kubikësh, ndërsa përdorej prej tij për të transportuar pushues që donin të vizitonin ishujt. Ngjarja ndodhi mes plazhit të Legisit dhe ishullit të madh, ndërsa në orët e para të së shtunës, rreth orës 01:00, trupi i vajzës 15-vjeçare u dërgua për ekspertizë në mjekësinë ligjore në Tiranë.

Sipas bluzave të bardha të Sarandës, vajza kishte një prerje pas koke, që dyshohet të jetë prerje e shkaktuar nga helika, ndërkohë që kishte edhe prerje në dorën e majtë, që mendohet se mund të ketë ndodhur ndoshta kur vajza ka ngritur dorën për t?u mbrojtur. Trupi i pajetë i turistes nga Rusia u konstatua nga një pushues turist rreth 0.8 milje larg bregut në zonën e ?Tre Ishujve?./CityNews