web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet dhurata e parë e mandatit të dytë të Edi Ramës për qytetarët e Tiranës

23 Korrik 2017, 13:54, Aktualitet CNA

Ish-kryeministri i vendit, Sali Berisha në një postim në rrjetet sociale ka komentuar dyfishimin e çmimit të ujit në zonën e Tiranës.

Çmimi i ujit për qytetarët e Tiranës pritet të rritet ndërkohë që deri më tani ka pasur mjaft kundërshtime.  Berisha ka bërë një analizë të rritjes së çmimit duke thënë se vendi jonë ka rezerva të mjaftueshme ujore që mund të përballojnë të gjithë kryeqytetin.

Sipas tij, kjo rritje rëndon ndjeshëm në buxhetin familjar dhe bizneset shqiptare, ndërkohë që vendet e tjera të botës si Austria, uji i pijshëm është i siguruar falas për qytetarët

 

Statusi i plotë i Sali Berishës:

Dyfishohet çmimi i ujit!

Kjo është dhurata e parë e mandatit të dytë për qytetarët e Tiranës e timonierit dhe Lal Plehut!

Të dashur miq, vetëm një ditë pas denoncimit të rritjes së çmimit të ujit, njoftuar nga Rama në 10 prioritetet e 100 ditëve të para, Bashkia e Tiranës, në ujdi të plotë me qeverinë vendosi rritjen nga 100 në 200 leke pra 100% të tarifes mujore fikse dhe rritjen nga 45 në 65 lekë të çmimit për metër kub të ujit për familjarët.

Kurse për bizneset, tarifa fikse mujore dhe çmimi për metër kub rriten përkatësisht nga 100 në 200 lekë dhe nga 135 në 190 lekë.

Kjo rritje rëndon ndjeshëm buxhetin familjar dhe bizneset shqiptare. Ndërkohë Shqipëria, e konsideruar Norvegji e rajonit për pasuritë ujore, jo që nuk duhet të rrisë çmimin e ujit por mund të ndjekë shembullin e Austrisë dhe të ndonjë vendi tjetër që iu sigurojnë qytetarëve të vet ujë rubineti të pijshëm falas! sb  /CityNews





13:31 Aktualitet

Urime legen!

1) Duhet të ketë qënë viti 2011 kur në atë kalvarin e zgjedh...

Lajmet e fundit nga