Shpërthen Ridvan Bode/ Zbulon arsyen e humbjes së PD dhe shansin e humbur të demokratëve

21 Korrik 2017, 18:11, Aktualitet CNA

Ish ministri i Financave dhe ish Sekretari i Përgjithshëm i Partisë Demokratike, Ridvan Bode ka folur ditën e sotme në takimin e Lëvizjes për Ringritjen e Partisë Demokratike.

Në fjalën e tij, direkt nga salla e Akademisë së Arteve Ridvan Bode, zbuloi arsyen e humbjes së PD si dhe foli për shansin e humbur me përgjegjës kryesor Lulzim Bashën.

Një nga arsyet kryesore që çoi në humbjen e PD, sipas Bodes, është mosshpërfillja e anëtarësisë dhe sjellja e Lulzim Bashës, ku çdo vendim dhe për çdo gjë e bëri kryetari. Në fund të fjalës së tij, Bode u shpreh i bindur që demokratët do të ngrihen të gjithë dhe PD do kthehet si më parë.

Më poshtë fjala e Ridvan Bodes:

“Ka 4 javë që një grup drejtuesish të PD, të rritur me simbolet e PD, adresuam një kërkesë publike ndaj Lulzim Bashës për një nevojë të thellë të Partisë Demokratike. Kjo kërkesë kishte të bënte me një platformë të domosdoshme për PD. Partia Demokratike dhe e djathta u përball me humbjen më të thellë që ka ndodhur ndonjëherë. Nuk bëhet fjalë për një humbje që vjen nga pushteti, por për një ndrydhje që vjen nga opozita. Thellimi i humbjes kërkonte reflektim. Së dyti ne e dinim që kishte nevojë për një reflektim të gjerë. Të gjitha këto na bëjnë që të kërkojmë në mënyrë publike Lulzim Bashës: Hap debat. Më lejoni të kap një çështje që neve na dhemb, si ka mundësi që ne shteruam, a është kjo një akuzë e pabazë mendoj se jo. Ne nuk mundëm dot si PD që edhe në ditët më të vështira të vendit, të japim një ofertë politike për qytetarët shqiptarë. Përballë mungesës së ofertës, oferta e presionit dhe parasë e kishte shumë të lehtë për të fituar. Nesër na u tha se do të jenë 103 mijë anëtarë që do të votojnë. Si ka mundësi që mes 103 mijë anëtarë nuk gjetëm komisonerët e duhur, por ia adresuam kundërshtarit. 103 mijë anëtarët e PD, janë fuqi e papërballueshme për kundërshtarin tonë, janë 103 mijë emra për të cilët flitet kur vjen koha për të zgjidhur kryetarin. Pse vallë demokratët nuk shkojnë të jenë komionerë apo votues, si ka mundësi që neve na u shitkan në mënyrë masive votuesit dhe kundërshtarit iu blikan votuesit. Ku janë strukturat tona. E gjithë kjo ndodh për disa arsye, e para është shpërfillja e anëtarësisë, nëse ne nuk përfillim në opozitë anëtarësine e PD, vaj medet çdo të kemi kur të jetë në qeveri. Pse nuk gjetëm dot 13 mijë numërues, komionerë, vëzhgues, por ia deleguam kundërshtarit politik që mos ta i vidhte LSI apo PDIUI. 4 vjet Kryesia e Partisë është mbledhur vetë 3 herë. Urdhrat ishin të kryetarit, rregullat nuk ekzistonin më, të gjitha ishin të kryetarit, Lista ishte e kryetarit, aq sa kandidatët për deputetë kishin turp të thonin jemi kandidatë të PD, thonin jemi të kryetarit, edhe çadra ishte e kryetarit. Kjo ishte filozofi pune për të mospërfillur asnjë njeri dhe për të vendosur vetë. Kapaciteti elektoral i PD u dobësua ndjeshëm se 4 vjet më parë, u përjashtuan figura kryesore të PD, askush nuk do të mund të kandidonte pas urdhrit të kryetarit. Të gjitha këto janë aspekte të dobësimit të strukturës së PD, ishte koha që në këto zgjehdje të kapërcehej ky hendek, duke kërkuar ndjesë. Brenda qendrës u braktisën degët, nuk u dhnë fonde, nuk u pagua askush, nuk u ngritën grupe pune. Në katin e dytë janë 30 djem dhe vajza që s?kanë lidhje me PD, ata thjesht punojnë në mënyrë të paligjshme, vazhdojnë edhe sot e kësaj dite për të gjithë ne që jemi këtu. Një ushtri i e tërë, njëlloj si Pallati i Endrrave, kjo është arsyeja pse kemi rënë kaq shumë. Edhe qarkullimi i elitave është një arsye. Kishte mundësi që brenda përmbrenda të bëhej qarkullimi i elitave. Kundërshtarë të bazhdueshëm të PD për t?u ngritur në krye. Të gjitha këto bënë që PD të humbë peshën e saj. Kishim mundësinë, shansin e humbur, dita e nesërme është një stacion që na bën të dëshpërohemi edhe më shumë, unë jam i bindur që demokratët do të gjejnë forca për ta ngritur PD”./ CityNews