E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Foto-Del fleta e votimit/Këto janë skandalet që e shoqërojnë dhe shkatërrojnë procesin

21 Korrik 2017, 14:04, Aktualitet CNA

Humbja katastrofike e Partisë Demokratike, e cila rezultoi në humbjen më të thellë të një partie të madhe në demokracinë shqiptare, u shoqërua edhe me një sjellje të paprecendetë të kryetarit humbës të saj.

Lulzim Basha, pak ditë pas humbjes drastike që i solli PD, doli përpara të gjithë shqiptarëve, e pranoi humbjen, por nuk dha dorëheqjen, si më e pakta gjë që duhej bërë në një situatë aspak të mirë për demokratët.

Basha paturpësisht u shpreh se do të ngrinte të gjitha funksionet e tij vendimmarrëse, duke ia deleguar ato dy kryetarëve të kësaj partie, edhe pse ata ishin njëlloj përgjegjës për këtë humbje si edhe vetë Basha.

Ndonëse shumica e demokratëve kërkuan që në PD të bëhej një analizë e plotë dhe që zgjedhjet të shtyheshin, Lulzim Basha dhe servilët pranë tij vazhduan më tej në krijimin e një gare false, pjesë e të cilës u edhe Eduard Selami.

Pas fushatës farsë të zhvilluar prej disa ditësh, ku më shumë se kurrë u vërtetua pabarazia dhe të gjitha hiletë e Bashës, nesër pritet të zhvillohet një proces jo i vërtetë, kjo bazuar në fakte konkrete, që kanë të bëjnë edhe me vetë fletën e votimit. Fakte këto që kthehen në skandalin e radhës të Lulzim Bashës dhe që CityNews do i rendisë më poshtë.

Së pari, ditën e somte është publikuar fleta e votimit një ditë para procesit, ndërkohë që nuk ka asnjë detaj dhe asnjë informacion se ku u printua kjo fletë votimi dhe kush e ka ndjekur procesin.

Megjithatë ka informacione te besueshme se fletët janë printuar të kompania e rekomanduar nga firma e familjarëve të Lulzim Bashës.

Nuk dihet se sa fletë janë printuar, por ato kanë dalë që sot, qarkullojnë rëndom, më së shumti në duart e mbështetësve të Bashës.

Gjithashtu në ndryshim nga 2013, fletët e votimit nuk kanë numër serie, nuk kanë asnjë element sigurie dhe mund t?i printojë çdokush dhe kudo mjafton që të ketë një printer me ngjyra.

Si mund të quhet garë apo proces votimi i drejtë, kur sot fletët e votimit janë në duart e servilëve dhe mbështetësve të Bashës, i cili paturpësisht po manipulon procesin edhe kur ka përballë një kandidat si Eduard Selami.

Në fakt i gjithë ky skenar i krijuar me mënyrën e ndërtimit të fletës së votimit është thjesht dhe vetëm për të rritur numrin fiktiv të pjesëmarrëse në votim, sepse edhe vetë Lulzim Basha e di që demokratët nesër do ta braktisin, ashtu siç i kthyen shpinën me 25 qershor.

Në Partinë Demokratike fatkeqësisht nuk po bëhen zgjedhje, është thjesht Luli bashkë me mashtrimet dhe manipulimet e tij që po mban peng PD për herë të dytë./CityNews