Majlida Bregu flet si kurrë më parë për marrëdhënien me Bashën/I paaftë, demokratë vota nesër s'ka vlerë

21 Korrik 2017, 18:45, Aktualitet CNA

Ish ministrja e Integrimit dhe deputetja e Partisë Demokratike, Majlinda Bregu ka folur ditën e sotme në takimin e Lëvizjes për Ringritjen e Partisë Demokratike të mbajtur në sallëne Akademisë së Arteve.

Bregu u tregua e qartë ndërsa u shpreh se nuk është antiBashë, pasi nuk i intereson ai personazh, ndërsa shprehu dhimbjen e madhe, kur e sheh PD në këtë gjendje.

Jo vetëm kaq, Majlinda Bregu tha publikisht se nesër nuk do të votojë, ndërsa ftoi të gjithë demokratët që të mos e bëjnë një gjë të tillë sepse për fat të keq për herë të parë, vota është e pavlerë.

Më poshtë fjalimi i plotë i Majlinda Bregut:

Unë nuk jam anti Bashë, nuk më intereson personazhi Bashë. Unë dhe Lulzim Basha jemi bashkuar në 2005, diçka na pengoi për të mos i besuar njëri-tjetrit, mua intuita e atë arsye të tjera. Unë nuk e urrej Lulin se urrejtja nuk shkon për këdo, Luli është thjesht i paaftë. Unë nuk e zgjodha për kryetar dhe për këtë nuk jam penduar. Unë e dua PD, nëse do ta kishim dashur PD njësoj sot nuk do të ishim këtu. Unë nuk jam jashtë asaj çfarë ndodhi këto vite. Deri më datën 25 qershor, Lulzim Basha ishte përgjegjës i vetëm për humbjen e PD, por pas humbjes ai nuk është përgjegjësi i vetëm është një ndër ata. Basha është pasqyrimi më spektakolar i asaj që ka ndodhur në PD. E di që shumë më kanë pyetur pse nuk kam qenë, nuk kisha fuqinë dhe sigurinë se kur flet dëgjohesh. Kam folur për mbledhjet mediokre, sikurse skam lënë përpjkje pa bërë, i kam akoma në sy kokat e ulura në PD dhe të gjithë ata që më akuzonin teksa thonin kush flet për problemet e PD, bën axhendën e Edi Ramës. Nuk është rastësore që paaftësia e kryetarit të partisë për të menduar u kthye në simbol të kësaj partie. Për çka është sot është rrjedhojë e inateve në PD. Kjo nuk është betejë personale është nevojë për të braktisur qasjen që na dëmtoi të gjithëve. Do doja që sonte të isha gabim, në fund të fundit kjo nuk do i bënte PD atë që i bëi i paafti për të menduar. Që të jem e sinqertë, unë sot nuk konfirmohem sot as me ata që më dhanë të drejtë me vonesë. Nesër unë nuk do të votoj, nuk marr vendim për asnjë prej jush, por do ju thoja nëse nuk e shihni Shpërinë më mirë me këtë lloj PD, atëherë mos votoni. Të më ndjejë Zoti Selami, por vota e nesërme nuk ka asnjë vlerë./CityNews