web counter
LEXO PA REKLAMA!

SHKARKO APP

App Store
Google Play

2 mijë euro për një vend pune në BE/ Si mashtroheshin të rinjt shqiptarë nga maqedonasi

21 Korrik 2017, 10:17, Aktualitet CNA

Një 40- vjeçar nga Maqedonia ka rënë në prangat e Krimit Ekonomik pasi mashtronte të rinjtë shqiptarë se do t?i mundësonte punësim në Gjermani ose Belgjikë kundrejt pagesës 2 mijë euro.

Mësohet se është arrestuar Irfan Ahmeti 40- vjeç nga Maqedonia banues në kryeqytet.

Si funksiononte skema e mashtrimit
Të rinjtë që kërkonin online punë jashtë vendit kontaktoheshin nga maqedonasi Irfan Ahmeti. Ahmeti u premtonte vende pune në Gjermani dhe Blegjikë kundrejt një pagese prej 2 mijë eurosh. Ata duhet të paguanin vetë transportin, dhe kur të mbërrinin në destinacionet përkatëse duhet të kontaktonin Ahmetin. Por pasi mbërrinin në Gjermani ose Belgjikë nuk u hapte celularin.

Si u zbulua maqedonasi?
Pre e skëmës së mashtrimit të 40- vjeçarit kanë rënë tre të rinj, të cilët pasi kishin shkuar në destinacion, jo vetëm që nuk u pritën nga Ahmeti por ai as nuk ua hapi celularin, duke u “zhdukur” plotësisht. Pasi e kuptuan që ishin mashtruar, u kthyen në Tiranë dhe bën denoncimin në Polici. Mendohet se maqedonasi ka mashtruar edhe persona të tjerë në këtë mënyrë, por nuk kanë bërë ende një denoncim. Ai është një emër i njohur për autoritetet shqiptare.

Ahmeti është arrestuar në shkurt të 2016-së, pasi bashkë me dy persona të tjerë iu gjetën 550 mijë paketa cigare që po kalonin kontrabandë në drejtim të Sllovakisë. Ai u lirua nga Gjykata pasi pagoi garancinë 10 mijë euro./ CityNews





Lajmet e fundit nga