web counter
LEXO PA REKLAMA!

SHKARKO APP

App Store
Google Play

E fundit!

x

Shakaja e rradhës/ Ilir Meta dorëzon teserën, heq dorë nga partia e tij LSI

21 Korrik 2017, 10:10, Aktualitet CNA

Të hënën, në datën 24 korrik, ish kryetari i Parlamentit, Ilir Meta, do të betohet si president i Republikës, duke nisur kështu rrugën e tij në postin më të lartë të piramidës shtetërore.

Me këtë rast nga zyrat e Lëvizjes Socialiste për Integrim ka dalë njoftimi se ish kreu i kësaj partie është larguar përfundimisht nga drejtimi i saj, pasi, mbrëmjen e djeshme, ka vizituar për herë të fundit selinë qendrore.

Sipas sekretarit të Përgjithshëm të LSI-së, Endrit Brahimllari, ish-themeluesi dhe ish-kryetari Ilir Meta e ka dorëzuar teserën e LSI-së, për të paktën pesë vitet e ardhshme, kohë kjo kur ai do të ushtrojë detyrën e presidentit.

Kjo është pjesa zyrtare e problemit, që e ballafaquar me të vërtetën reale tingëllon si një shaka e rradhës e LSI-së dhe e vetë Ilir Metës, i cili me ato që kanë parë shqiptarët, deri më sot, është e vështirë t?ua mbush mëndjen se me dorëzimin e teserës së LSI-së dhe vizitën e fundit të bërë të dje në seli, do të jetë një president mbi palët. Aq më tepër se do ta braktisë partinë e tij të cilën, në fakt, i?a ka lënë bashkëshortes së tij Monika Kryemadhi-Meta.

Provën e pashkëpuetshmërisë nga LSI Ilir Meta e dha dukshëm në ditët e fushatës elektorale, kur, përkundër deklarimit para deputetëve ditën e zgjedhjes President se: do të ishte mbipartiak, u vu në krye të LSI-së, madje duke fushatuar fuqishëm.

Kjo përfshirje e paparë e tij në garën elektorale në favor të LSI-së, por edhe episode të tjera, e aq më tepër fakti se LSI është themeluar dhe funksionon si një bisnes i familjes Meta-Kryemadhi, e thyejnë besimin se me nisjen e detyrës së presidentit Ilir Meta do të heq dorë nga LSI. Aq më tepër tingëllon si shaka presidenciale kur me kryetaren aktuale të kësj partie Ili Meta bashkëjeton nën të njejtën çati./CityNews





Lajmet e fundit nga