E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Gara false dhe farsë/ Lulzim Basha, kryetari i skutave të errëta

21 Korrik 2017, 09:01, Aktualitet CNA

Një tjetër akuzë e rendë ka ardhur pasditen e djeshme në adresë të kryetarit funksionengrirë të Partisë Demokratike, Lulzim Basha. Artikuluesi i saj ka qenë Besnik Mustafaj, ish ministri i Jashtëm në qeverinë Berisha, një nga përfaqësuesit elitë të PD-së, aktualisht kontributiv në aksionin e grupit antiBasha.

Sipas Mustafajt, gjithsa po ndodh në kampin e Partisë Demokratike, lidhur me garën për kryetarin e saj është një farsë, pasi gjithçka është paravendosur në tryezë.

I ndodhur në studion e News 24, ndër të tjera, Mustafaj ka zbuluar edhe prapaskenat e zgjedhjeve për kreun e Partisë Demokratike, që do të mbahen ditën e nesërme, në datën 22 korrik.

?Dy tre kryetarë degësh nëpër rrethe më kanë thënë që gjërat janë të përcaktuara. Dihet pak a shumë që 70% të votave do t?i marrë Basha, ndërsa 30% Selami. Prandaj kemi thënë që kjo është një garë false dhe farsë. Unë kam bërë thirrje për një garë të barabartë, unë së bashku me persona po përpiqemi t?i themi Bashës të heqë dorë nga kjo farsë sepse nuk do të prodhojë asgjë?, ka thenë Mustafai, duke ndriçuar skutat e errëta të ujrave në të cilët po lundron anija elektorale e Bashës, që ka si objektiv final ngjitjen e tij në krye të PD-së edhe për një katër vjeçar tjetër.

Ajo që lë për të dëshiruar në këtë rrugë antistatutore është fakti se Lulzim Basha, i cili pretendon të jetë pjesë e gjeneratës së re, që synon ngritjen e një Republike të re, me mendësi, sipas tij, të ndryshme nga ato të përfaqësuesve të Republikës së vjetër, po përdor metodat më obskurantiste për ta kapur me çdo kusht postin e kryetarit të partisë.

Në vend të respektimit të statutit dhe transparencës, Basha po luan pas kulisave, duke mos nguruar të bëjë kryshqi edhe me djallin, vetëm e vetëm që ai ta ndihmojë ta kap postin nga i cili, pas humbjes së thellë të zgjedhjeve të përgjithëshme parlamentare të 25 qershorit, duhej të largohej përfundimisht.

Pjesën dërmuese të lojrave të panderëshme të prapaskenës së Lulzim Bashës, CityNews i ka publikuar, me qëllimin jo vetëm për ti thenë kryetarit të vetëngrirë të heq dorë, por edhe për t?i ndriçuar këto skuta në sytë e demokratëve të vërtetë, që partinë e duan për hatër të alternativave dhe idealeve që ofron për Shqipërinë dhe jo për interes e bisnes, sikurse e ka përdorur dhe do ta përdor Lulzim Basha, nëse lejohet të rizgjidhet kryetar me rezultatin e paracaktuar 70 me 30 % e të vendosur në tryezë, sikurse ka paralajmëruar, Besnik Mustafaj./ CityNews