web counter
LEXO PA REKLAMA!

SHKARKO APP

App Store
Google Play

Bashkëshortja e një drejtori socialist/ Kush është Drejtoresha e re e Hipotekave

20 Korrik 2017, 15:56, Aktualitet CNA

Një ndër institucionet më të rëndësishme në administratën shtetërore është edhe Drejtoria e Përgjithshme e Hipotekave, e cila deri në muajin qershor ka qenë nën drejtimin e Ilirjan Muho të LSI-së. Ndërsa kohët e fundit nga qershori deri në mes të korrikut në krye të saj ka qenë Arjan Bylykbashi nga Partia Demokratike, si pjesë e marrëveshjes së 17 majit mes Edi Ramës dhe Lulzim Basha.

Por, me përfundimin e marrëvshjes, ndryshuan edhe drejtuesit, ku ditën e sotme Rama vendosi që këtë post t?ja besojë Blerina Doracajt (Shtylla). Ajo është edhe bashkëshortja e Bledar Doracaj, drejtori i Përgjithshëm i Gjendjes Civile.

Blerina Doracaj në vitin 2005 ka përfunduar studimet e larta në Fakultetin e Drejtësisë, të Universitetit të Tiranës.  Është aktualisht edhe kryetare e forumit të gruas për Tiranën dhe ka qenë kandidate për deputete e PS në Tiranë, anëtare e Këshillit Bashkiak të Tiranës dhe këshilltare pranë Ministrisë së Inovacionit.

Në moshën 17 vjeçare është bërë anëtare e FRESH dhe pas mbarimit të universitetit ka mbajtur poste të rëndësishme si dhe ka kandiduar për deputete nga Partia Socialiste.

Bashkëshorti i saj Bledar Doracaj, është gjithashtu jurist me profesion dhe i angazhuar politikisht pranë PS. Madje mban postin si anëtar i Asamblesë Kombëtare të kësaj partie, gjithashtu edhe postin si drejtor i Gjendjes Civile

Blerina së bashku me bashkëshortin e saj kanë kandiduar për deputet të Partisë Socialiste por që nuk kanë fituar. Pavarësisht kësaj ajo mori një post mjaft të rëndësishëm falë angazhimit politik./CityNews

 





Lajmet e fundit nga