web counter
LEXO PA REKLAMA!

SHKARKO APP

App Store
Google Play

24 orë "luftë/Përfundon peshimi i drogës në Llakatund, ja sasia rekord

14 Korrik 2017, 21:35, Aktualitet CNA

Policia e Shtetit ka peshuar dhe ka zbuluar pas rreth 24 orëshe sasinë e drogës së kapur në fshatin Llakatund të Vlorës. Peshimi i sasisë rekord të lëndë narkotike përfundoi rreth orës 23:00 të mbrëmjes së sotme.

Sipas njoftimit zyrtar, gjatë gjithë operacionit është sekuestruar 15 tonë e 162 kg lëndë narkotike Cannabis Sativa.

Policia thotë se janë sekuestruar edhe 5 armë zjarri, 3 presa që presonin lëndën narkotike, vaj hashashi, sita e përbërës kimikë.

Operacioni startoi më datë 13 korrik nga Policia e Vlorës mbështetur nga FNSH-ja e Fierit, Specialistët e SHÇBA-së dhe Prokuroria e Vlorës.

Pjesa më e madhe e lëndës narkotike u gjet në 3 banesa të fshatit Drithas me peshë prej 14 ton e 466 kg Cannabis Sattiva në formë boçesh dhe çokollate. Në këtë fshat janë asgjësuar rreth 270 bimë narkotike. Janë arrestuar në flagrancë 9 shtetas, ndër këta 2 punonjës policie dhe 1 kryeplak fshati. Në këtë operacion masiv kanë marrë pjesë rreth 150 forca policie

Gjithashtu të premten në vijim të operacionit masiv antidrogë në Llakatund u gjet një tjetër sasi lënde narkotike në fshatin Drithas, e cila pas peshimit rezultoi prej rreth 696 kg Cannabis Sativa.

Forcave mbështetëse të policisë u është shtuar edhe asistimi i qenit antidrogë, i specializuar për konstatimin e lëndës narkotike.

Policia thotë se vazhdon veprimet e mëtejshme të transportimit të lëndës narkotike drejt ambienteve të Drejtorisë së Përgjithshme të Policisë së Shtetit Tiranë./CityNews





Lajmet e fundit nga