web counter
LEXO PA REKLAMA!

SHKARKO APP

App Store
Google Play

E fundit!

x

Zbulimi i ri/ Sistemit tonë diellor i shtohet dhe një tjetër planet

14 Korrik 2017, 20:56, Aktualitet CNA

Sipas një zbulimi të ri, një planet i 9-të mund të jetë pjesë e sistemit tonë diellor.  Shkencëtarët kanë argumentuar për vite me radhë nëse ka një planet tjetër që fshihet në skajet e largëta të sistemit tonë diellor. Faktet për këtë teori erdhën vitin e kaluar kur shkencëtarët njoftuan se kishin gjetur prova të planetit misterioz, 9 – dhe pastaj vazhduan kur u shfaqën kërkime të reja për të treguar se këto llogaritje ishin të gabuara dhe se planeti nuk mund të ekzistonte.

Por puna e re nga Universiteti Complutense i Madridit përdori një teknikë të re që tregon se ka një planet tjetër që shtrihet përtej Plutonit.

Planeti nuk mund të shihet drejtpërdrejt, pasi është shumë larg. Ndaj, shkencëtarët duhet të nxjerrin në pah ekzistencën e tij nga të dhëna të tjera – duke parë mënyrën se si objektet rreth planetit të mundshëm lëvizin dhe duke hulumtuar nëse ato sillen ndryshëm nga prania e një objekti më të madh.

Hulumtimi i ri nga ekipi spanjoll shqyrtoi një sërë objektesh të largëta në sistemin tonë diellor për të shqyrtuar nëse ata po përjetonin një efekt të tillë. Dhe ajo që u zbulua ishte se: këto objekte ishin të grumbulluara dhe të modeluara në një mënyrë që nuk duhet të ndodhë nëse nuk ka ndonjë objekt të madh që të ndikojë në lëvizjen e tyre.

Kështu ky zbulim nga Mike Brown dhe Konstantin Batygin nga Caltech në fillim të vitit 2016 ? mbështet idenë se Planeti 9 po rri pezull në sistemin tonë diellor./CityNews





Lajmet e fundit nga