web counter
LEXO PA REKLAMA!

SHKARKO APP

App Store
Google Play

Ben Blushi bën thirrje për protestë/ Marshimi i lirisë do të mbërrijë

9 Korrik 2017, 10:11, Aktualitet CNA

Kreu i partisë ?LIBRA?, Ben Blushi, i cili mbeti jashtë Parlamentit për shkak se nuk mori asnjë mandat në zgjedhjet e 25 qershorit, duket se po përgatitet të protestojë.

Në një postim në rrjetet sociale, ai bën një përshkrim të situatës së protestave të ditëve të sotme në Turqi e më pas tregon sesa e vështirë është të protesosh në Shqipëri.

Sipas tij, opozita shqiptare është kthyer në një digë që mbron qeverinë nga populli i vet, por marshimi i lirisë një ditë do të mbërrrijë.

?MARSHIMI I LIRISË

Ky është Marshimi i Drejtësisë që po mbahet ne Turqi, ku qindra mijëra njerëz janë duke marshuar me ditë drejt Stambollit, për të protestuar kundër kufizimit të lirive dhe të drejtave të tyre.Të protestosh sot në Turqi nuk është e lehtë dhe kjo gjë po vështirësohet edhe në Shqipëri, ku një pjesë e opozitës është kthyer në një digë që mbron qeverinë nga populli i vet. Megjithatë edhe nëse nuk përfundon, Marshimi i Lirisë do arrijë një ditë në Turqi.Sikur të isha turk sot do isha duke ecur. Si shqiptar shpresoj të mos ndalojnë. Liria nuk ka kufinj dhe as fe?, shkruan Blushi./CityNews





Lajmet e fundit nga