web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi në CityNews për zgjedhjet në PD/Qytetarët: Gara false e Bashës

7 Korrik 2017, 09:33, Aktualitet CNA

Prej ditës së djeshme, ka nisur fushata në Partinë Demokratike, mes dy kandidatëve në garë për kreun e ri të kësaj force politike. Gara duket të jetë një farsë, pasi Lulzim Basha kandidon për një mandat të dytë pas rezultatit katastrofik që pësoi në zgjedhjet e 25 qershorit.

Përballë tij ndodhet vetëm Eduard Selami, i cili nuk shihet si një kandidat i vërtetë në garë, por i futur sa për të krijuar idenë e një gare dhe për të ?rivalizuar? Bashën.

Mbështetës të Partisë Demokratike, por edhe figura të rëndësishme e me peshë në PD kanë kritikuar ashpër garën false, që po zhvillohet mes Bashës dhe Selamit, ku ishte kreu demokrat që përjashtoi kandidatët e tjerë, duke mos pranuar të japë dorëheqjen dhe të futet në garë si i barabartë. Kundër kësaj gare duket se janë edhe qytetarët.

CityNews realizoi një sondazh me pyetjen: Basha-Selami, garë false apo e vërtetë? Në faqen zyrtare në Facebook, CityNews iu drejtua qytetarëve për 2 orë e 10 minuta, duke marrë mendimin e tyre në lidhje me dy kandidatët pretendentë për kreun e ri të PD.

Shumica e qytetarëve e kanë vlerësuar si false garën mes Bashës dhe Selamit dhe janë të paktë ata që besojnë se mes tyre po zhvillohet një garë e drejtë dhe e vërtetë.

CityNews iu sjell më poshtë rezultatet e plota të sondazhit, ku 220 vota janë për një garë false dhe vetëm 55 e vlerësojnë atë si të drejtë./CityNews





Lajmet e fundit nga