Si e shpartalloi Lulzim Basha PD-në e Vlorës

4 Korrik 2017, 11:46, Aktualitet CNA

Lulzim Basha pësoi një rezultat katastrofik në zgjedhjet e 25 qershorit, duke çuar në minimum historik Partinë Demokratike. Basha shkatërroi forcën e dytë opozitare më të madhe në vend në vetëm katër vite në krye të saj, ku për herë të parë kjo forcë politike njohu një rezultat kaq dramatik në zgjedhje.

Partia Demokratike me Lulzim Bashën në krye humbi në mbarë Shqipërinë, rezultati i saj ishte më i dobëti dhe më qesharaku, i pakrahasueshëm me asnjë shifër. Edhe në vitin e errët të 1997, Partia demokratike nuk e njohu një rezultat kaq poshtërues, saqë ishte ky i Lulzim Bashës. Pas plot 20 vitesh, Lulzim Basha për herë të parë çon PD në një labirinth pa rrugëdalje, duke i dhënë vetëm 28.81 % të votave në mbarë vendin, e për më tepër duke mos marrë përgjegjësinë për këtë humbje dramatike.

Shkaqet kryesore të këtij rezultati ishin çorganizimi i vazhdueshëm përgjatë katër viteve, futja e përçarjes në strukturat e demokrateve, nxitja e konflikteve të brendshme dhe në fund qershia mbi tortë ishte lista e kandidatëve për deputetë, një listë personale e Lulzim Bashës dhe familjarëve të tij, e cila ngjalli mjaft reagime dhe pakënaqësi brenda selisë blu, por edhe te qytetarët.

Një prej qarqeve që i dha leksion politik Bashës se si reagohet kur shet mandatet dhe gjakun e demokratëve në pazarë me Ramën ishte ai i Vlorës, ku PD siguroi 23 % të votave. Vlonjatët ishin më të zhgënjyerit nga PD, ç?ka tregoi hapur mënyrën skandaloze të drejtimit të Bashës në këtë degë.

Me një diferencë të padëgjuar ndonjëherë, mbi 40 mijë vota më pak se Partia Socialiste e Edi Ramës, Lulzim Basha tregoi qartë si e shpartalloi këtë forcë politike, duke humbur totalisht besimin e qytetarëve.

CityNews solli pak më parë në disa shkrime, të cilat po i risjell më poshtë sërish, rezultatet e PD në disa zona të Vlorës, ku krahasuar me zgjedhjet e 2013, forca opozitare kryesore në vend kishte humbur më shumë se gjysmën e votave, duke shkuar drejt ?asgjësimit?. Një humbje turpëruese kishte PD e Bashës në Bashkinë Selenicë, ku lindën dyshime të forta dhe për shitje të zgjedhjeve, për të vijuar me disa fshatra, ku PD pësonte për herë të parë humbje.

E gjitha kjo për faj të Lulzim Bashës, i cili nuk arriti të sigurojë dot as votat e demokratëve të 2013-ës, për shkak të keqmenaxhimit dhe çorganizmit që i bëri partisë. Dështimi i tij ishte fare i dukshëm dhe i lexueshëm, jo vetëm në Vlorë, ku mori goditjen më të fortë, por në të gjithë vendin.

Ai tregoi paaftësinë e tij për të drejtuar, nuk mundi të konfigurohej kurrë si lider politik në këto katër vite. Lulzim Basha do të mbahet mend si personi që shkatërroi PD-në, përçau në mënyrë të tmerrshme degët dhe strukturat e kësaj partie në mbarë vendin, të cilat hynë në këto zgjedhje jo si një familje, si një skuadër, por si ?rivalë? dhe të përçarë si mos më keq, ku deri një ditë para votimit pati largime nga radhët e demokratëve, të cilët braktisën Bashën dhe iu bashkuan PS.

Kjo pra ishte arsyeja e rezultatit katastrofik të Bashës, e braktisjes që i bënë mbarë shqiptarët, e në veçanti vlonjatët, të cilët e nxorën nul fare në zgjedhjet e 25 qershorit./CityNews

Si i shiti Lulzim Basha zgjedhjet parlamentare në Selenicë!

Zbulohen të tjera rezultate/Si e braktisën fshatrat e Vlorës Lulzim Bashën

Basha pranon dështimin në Vlorë

Foto-Tjetër goditje për Bashën/Ish kryetari i PD së Vlorës kalon me LSI

Video-Ekskluzive/Si dështoi mitingu i Lulzim Bashës në Vlorë

Basha ?iu gjunjëzohet? vlonjatëve në Sheshin e Flamurit/Merreni Vlorën në dorë se unë…