Ku është fshehur Ilir Meta?!

4 Korrik 2017, 13:32, Aktualitet CNA

Presidenti i zgjedhur, Ilir Meta, ishte një ndër zërat më të fuqishëm dhe sulmues gjatë fushatës elektorale të zgjedhjeve të 25 qershorit. Ilir Meta u ?zhvesh? nga posti i Kreut të Shtetit për më shumë se një muaj, duke marrë frenat e partisë së tij, LSI. Ai kaloi në rol dytësor kreun ?de jure? të LSI, Petrit Vasilin, duke dalë në fushëbetejë përballë kundërshtarëve.

Duke ndjerë rrezikun e humbjes në zgjedhje, ashtu siç edhe ndodhi, Ilir Meta zhvilloi një betejë të ashpër, ndonëse më shpërthyesen dhe më agresiven, duke humbur plotësisht qetësinë dhe dashurinë dhe duke sulmuar me çdo mënyrë kryeministrin Edi Rama dhe kryedemokratin Lulzim Basha.

Por, menjëherë pas rezultatit të zgjedhjeve, ku LSI nuk arriti të dilte jo vetëm forcë e parë, por as e dytë, Ilir Meta u zhduk.

Presidenti i zgjedhur nuk është dukur më në skenën politike dhe as në ekranet televizive, ku pati deklaruar disa herë me bindje të plotë se LSI del forcë e parë në zgjedhje. Ai nuk ka thënë ende fjalën e tij për humbjen e 25 qershorit, duke u zhdukur pa nam e nishan. I vetmi zhvillim në partinë e tij është dorëheqja e papritur e kreut Petrit Vasili menjëherë pas zgjedhjeve, ku Ilir Meta i dha çelësat e partisë bashkëshortes së tij, Monika Kryemadhi.

Kryemadhi do të drejtojë tashmë forcën opozitare, e cila ka paralajmëruar një aksion të fortë dhe të gjerë nga shtatori, në Parlament dhe në terren.

Nga ana tjetër, Ilir Meta është fshehur dhe duket se ka vendosur më në fund të luajë rolin e një Presidenti të zgjedhur, pas kritikave të shumta për përfshirjen në fushatën elektorale. Përveç politikanëve shqiptarë, Ilir Meta u kritikua ashpër dhe nga ndërkombëtarët. Ishte eurodeputeti Eduard Kukan, si kryesuesi i misionit të OSBE-ODIHR në Tiranë për zgjedhjet, që akuzoi Ilir Metën, duke e quajtur si rastin e vetëm në botë përfshirjen e tij në fushatë elektorale.

Por, prej 10 ditësh zëri i Ilir Metës nuk është dëgjuar fare dhe as nuk dihet ku është e çfarë po ?gatuan?, teksa më 24 korrik pritet të betohet si Presidenti i ri i vendit. Nga data 25 korrik, Ilir Meta do të jetë zyrtarisht Presidenti i Republikës dhe Monika Kryemadhi kryetarja e opozitës. Referuar kësaj, mund të themi se tashmë është fakt që pas 25 korrikut, në një shtëpi, në një dhomë, do të jetojnë e flenë së bashku Presidenti dhe opozita./CityNews