web counter
LEXO PA REKLAMA!

SHKARKO APP

App Store
Google Play

Emergjencat Civile ngrejnë alarmin/4 vatra zjarri në Fier, Vlorë dhe Durrës

4 Korrik 2017, 14:48, Aktualitet CNA

Temperaturat mbeten ende të larta rritin akoma edhe më shumë rrezikun për vatrat e zjarrit. Emergjencat Civile kanë gritur alarmin në vend ndërsa kanë raportuar se në orët e fundit ka pasur 4 vatra zjarri në Vlorë, Fier dhe Durrës.

Shërbimet zjarrfikëse kanë ndërhyrë për të shuar flakët pavarësisht terrenit të vështirë.

QARKU VLORË

Në fshatin Armen, Selenicë një sipërfaqe me shkurre dhe ferra u përfshi nga flakët, të cilat rrezikojnë edhe disa banesa. Për shuarjen e flakëve kanë shkuar forca zjarrfikëse nga Vlora. Me kërkesë të Prefektit, Qendra Kombëtare Operacionale e Emergjencave Civile koordinoi dërgimin edhe të 60 forcave ushtarake për ndihmë.

QARKU FIER

Në fshatin Gjorgos, Cakran është riaktivizuar përsëri vatra e zjarrit e një dite më parë në një masiv me pisha. Forca të zjarrfikësve të Fierit ndodhen në vendngjarje dhe janë duke punuar për shuarjen e flakëve edhe pse terreni është i vështirë.

Ndërkohë në fshatin Zhupan, Qendër gjatë paradites ka rënë një zjarr në një zonë me shkurre, ferra dhe ullishte. Nga flakët është djegur një sipërfaqe rreth 2 dynym me shkurre e ferra si dhe pjesërisht 10 rrënjë ullinj.

QARKU DURRËS

Në Gjirin e Lalzit, Ishëm ka rënë zjarr në një sipërfaqe me shkurre dhe ferra.

Zjarrfikëset nga Durrësi kanë mbërritur dhe kanë shuar flakët brenda pak minutash. Për pasojë është djegur një sipërfaqe prej rreth 1 dynym me shkurre dhe ferra./CityNews





Lajmet e fundit nga