Deputetja Kryemadhi e paralajmëroi trafikimin e plehrave në Portin e Durrësit

2 Korrik 2017, 19:53, Aktualitet CNA

Brenda më pak se një muaji deputetja Kryemadhi ka bërë dy deklarata të frikshme për sa i përket përfshirjes së strukturave shtetërore ligjzbatuese në trafikimn e plehërave përfshirë edhe atyre të ndotura me radioaktivitet. Për më shumë konsultoni linkun: http://ëëë.cityneës.al/2017/06/shokon-monika-kryemadhija-ku-ndodhen-1-300-kontenieret-e-plehrave-ju-tregoj-faktet/1 Deputetja Kryemadhi ka deklaruar edhe se në Doganën e Durrësit, qëllimisht fiken pajisjet për detektimin e radioaktivitetit, kur kalojnë të tilla ngarkesa ?speciale?. Këto deklarata gjetën një jehonë minimale në mediat shqiptare, qoftë për shkak të censurës kryeministrore, qoftë për shkak të injorancës së gazetarëve shqiptarë, që nuk kuptonin se sa të rënda ishin të tilla deklarata. Propaganda kryeministrore madje i etiketonte qëndrimet e Kryemadhit si shprehje të mllefit të saj, për shkak se aleanca Rama-Basha ia futi ujin nën rrogoz LSI-së.

Nga denoncimet penale të GDF-së italiane mësojmë se deklaratat e deputetes Kryemadhi nuk ishin propagandë e rreme elektorale.Të tilla deklarata mbështeteshin në informacionet e privilegjuara, që Kryemadhi kishte për këtë tip trafiqesh në doganat shqiptare. Financierët e Tarantos dhe Prokuroria e Leces kallzuan penalisht 6 persona ndër to edhe një shtetas italian 72 vjecar, pronar i një kompanie, e cila prodhonte tulla dhe cimento zjarrduruese (refraktare) për eksport. Kjo kompani prodhonte të tilla tulla dhe cimento duke përdoruru si lëndë të parë (sa ngjan kjo me propagandën e Ramës për plehërat lëndë e parë për industrinë shqiptare të riciklimit) vajra lubrifikantë të përdorur, pesticide etj. të quajtura ?rifiuti speciali pericolosi? (mbetje speciale të rrezikshme).

Më pas cimentoja dhe tullat e prodhura me të tilla lëndë të para të rrezikshme për shëndetin e njerëzve eksportoheshin në Kinë, Indi dhe Shqipëri. Kompania italiane akuzohet për shkeljen e disa neneve të Kodit Penal Italian si Nenet 640, 483, 679, 260 etj, që bëjnë fjalë për vepra të tilla penalesi falsifikim dokumentesh zyrtare, mashtrim në rrethana rënduese, trafik i kundraligjshëm i mbeturinave etj. Financierët sekuestruan edhe 1565 litra material të lëngshëm të dyshimtë, që do t?i nënshtrohet analizave kimike. Kjo kompani në disa raste ka eksportuar materialet e saja zjarrduruese (tulla e cimento) për një kompani të regjistruar në Durrës (Zona industrial Shkozet) dhe një kompani të regjistruar në Tiranë (Marikaj).

Ja pra që në doganë ne Porti të Durrësit herë pas here na paskan kaluar edhe plehra italiane të maskuara si tulla e cimento refraktare të një market ë njohur (të falsifikuar). Pa u aprovuar Ligji Rama për importimin e plehrave në doganat shqiptare të paktën në një rast (kemi edhe rastin e anijes Izabelle me flamur maltez në nëntor 2016 të ardhur në Durrës nga Porti Gaeta i Italisë) në Shqipëri kanë hyrë plehra italiane. Tashmë u provua se Kryemadhi kishte të drejtë për futjen e plehrave në Shqipëri nga dogana e Portit të Durrësit. Mbetet për tu parë, nëse do provohet edhe akuza tjetër e deputetes Kryemadhi për fikjen e pajisjeve të detektimit të radioaktiviteti në Durrës sa herë që hynë ngarkesa të ndotura me radioaktivitet!/Nga GJERGJ THANASI

Për më shumë mund të konsultohen edhe shkrimet në linket e mëposhtme:

Scoperto un traffico illecito di rifiuti

http://www.tarantobuonasera.it/neës/cronaca/486223/traffico-illecito-di-rifiuti-sei-indagati-ed-un-maxi-sequestro
https://palagiano.virgilio.it/notizielocali/taranto_traffico_illecito_di_rifiuti_6_denunciati_sequestrati_beni_per_390mila_euro_-52104119.html