web counter
LEXO PA REKLAMA!

SHKARKO APP

App Store
Google Play

Zguri, zgjedhja e Ramës dhe Bashës për përplasjet në KQZ

30 Maj 2017, 15:55, Aktualitet CNA

Debate të forta ngjalli ditët e fundit çështja e miratimit në Komisionin Qendror të Zgjedhjeve, të listave me emrat e kandidatëve për deputetë të Partisë Demokratike, për shkak të vonesave të saj dhe mungesës së një liste të plotë.

Në mbledhjen e djeshme të KQZ, sikurse u pa në transmetimin direkt të saj nga ky institucion, pati debate dhe një përplasje të ashpër lidhur me kalimin e listave të PD për miratim.

Ish nënkryetari i KQZ dhe ish-anëtar më herët i propozuar nga PS, Denar Biba, kërkoi që të procedohej me miratimin e listave të PD, ndërkohë që kërkohej edhe pritja për të mbërritur një listë përfundimtare nga selia qendrore e partisë më të madhe të opozitës në vend.

Ajo që u pa gjatë kësaj mbledhjeje ishte fakti se si Rama dhe Basha, nuk morën përsipër të zgjidhin këtë përplasje, përmes anëtarëve të propozuar prej tyre në KQZ, por komunikuan drejtpërdrejt me kreun e KQZ, Klement Zguri, duke ndriçuar kështu faktin se për ta, nuk është i besueshëm ose i mundshëm për zgjidhje, asnjë prej anëtarëve që i përfaqësojnë në institucionin qendror të zgjedhjeve në Shqipëri.

Ndaj komunikimi i Bashës dhe Ramës u bë direkt me Zgurin duke demonstruar qartë se që të dy kanë më shumë besim te kreu aktual i KQZ se tek anëtarët e tyre.

Menjëherë pas kontakteve që liderët e PS dhe PD patën me kreun e KQZ, anëtarët e propozuar prej këtyre dy partive, vendosën të procedohej me shtyrjen për sot të miratimit të listave./Citynews





Lajmet e fundit nga