SPECIALE/ Ja çfarë është zbuluar rreth sulmit terrorist të Mançesterit

27 Maj 2017, 07:33, Aktualitet CNA

Një sulm terrorist ndodhi mbrëmjen e të hënës, rreth orës 22:35 në Manchester Arena pas përfundimit të koncertit të këngëtares amerikane Ariana Grande. Bilanci i viktimave ishte 22 të vdekur dhe 59 të plagosur. Brenda një kohe rekord, policia zbuloi se autori i sulmit ishte Salman Abedi, 23 vjeç me origjinë libiane.

Përpara se të kryente aktin e shpërthimit Salman sapo ishte kthyer nga Libia, ku banonin prindërit dhe vëllezërit e tij. Abedi rezultonte i regjistruar në Universitetin Salford. Një shok i tij i universitetit dëshmoi se: ? Tre javë më parë Abedi ishte në Libi, nga ku u kthye pak ditë më parë?. Gjë që e konfirmoi edhe Ramadan Abedi, babi i terroristit,që nga Tripoli nëpërmjet telefonit.

I pyetur nga agjencitë mediatike Abedi u shpreh: ?Fëmija im nuk ka të bëjë fare me atentatin. Kam folur me të pesë ditë më parë dhe gjithçka dukej normale. Dëshironte të bënte një udhëtim në Arabinë Saudite. Ne nuk jemi ekstremistë, nuk vrasim të pafajshëmi?.

Ramadan Abedi kishte ikur nga Libia e Gedafit në vitin 1993, duke kërkuar azil politik në Britaninë e Madhe, ku kishte jetuar për rreth 10 vjet dhe tani, sipas medias libiane, shërbente si administrator në qendrën e Forcës së Sigurisë në Tripoli.

Pak orë pas deklaratës, dëshmitarët treguan se Ramadan Abedi dhe njeri prej vëllezërve të kamikazit Salman Abedi, Hashemi, u arrestuan nga forcat e antiterrorit të cilat mbritën pranë shtëpisë me tre autovetura,ndërkohë që vëllai tjetër Ismaili, u arrestua në banesën e Salmanit në Fallowfield, së bashku me tre të tjerë. Paraprakisht policia dyshoi se Salman Abedi nuk ka qenë i vetëm në sipërmarrjen e tij kriminale.

Mirëpo kush ishte kamikazi Salman Abedi? Ndërsa ende diskutohej nëse kishim të bënim me një sulm terrorist apo hakmarrje personale, ISIS njoftoi se merrte përsipër sulmin. Lajmin e bëri të ditur Angjencia e Lajmëve të ISIS,? Amaq?, ndërsa policia kishte zbuluar se Abedi ishte lindur në Manchester në vitin 1994, ishte djali i tretë, ndër katër fëmijët e një çifti refugjatësh libianë. Mamaja e tij, Samia Tabbal, 50 vjeç dhe babai, Ramadan Abedi, qenë lindur në Libi. Ndërsa erdhën në Angli filimisht qendruan në Londër dhe më pas u transferuan në Fallowfield, në jug të Manchesterit, ku jetuan më pak se dhjetë vite.
Salman Abedi kishte nisur të recitonte lutjet islamike me zë të lartë në rrugë. Fliste arabisht. Abedi ishte një familje libiane që shfaqej shumë çuditshëm, thonë ata që i kanë njohur . Njëra nga fëmijët e çiftit, Jomana Abedi, 18 vjeç, ka frekuentuar liceun në Whalley Range, para se të punonte në xhaminë Didsbury, në vitin 2013. Kishte lindur në Manchester, ka dy profile në rrjetin social facebook. Në statusin e saj konfirmon se është nga Tripoli dhe se ka shumë lidhje në Libi. Në profiling e saj shfaqet e veshur me velin islamik.

Viktima e parë e sulmit terrorist ishte një vajzë 18 vjeçare, e quajtur Georgina Callander, e cila ishte nxënëse e kujdesit mjekësor dhe social në ?Runshaw College? në Lancashire, ndërkohë që Ariana Grande, këngëtarja që jepte koncertin, morri përsipër të gjitha shpenzimet e shërbimit funerale të 22 viktimave që humbën jetën. Dhe, ndërsa rrjedhja e informacionit të ngjarjes u bë shkak grindjeve midis shërbimeve sekrete të Anglisë dhe SHBA, lajmi më i fundit i dale sot prej burimeve policore londineze ishte ai që bënte fjalë për arrestimi e një personi nga eruropa lindore, i cili ishte i pajisur me pasaportë shqiptare. Gjatë kontrollit të shtëpisë së tij në Wigan,u zbulua një bombë artizanale e llojit që përdorin terroristët, çka e implikon atë me çështjen Abedin. Policia tha se kjo bombë ishte e planifikuar për një tjetër sulm terrorist./Citynews