E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Basha vulos shpartallimin e Partisë Demokratike

26 Maj 2017, 23:55, Aktualitet CNA

Sot në pasmesnatë, Lulzim Basha bëri publike listën e kandidatëve për deputet, që me shumë gjasa do ta çojë Partinë Demokratike në forcën politike me minimumin historik të votave, që nga viti 1991.

Kjo jo sepse ka hequr ish-ministrat e Sali Berishës, sepse disa i ka në lista.

Kjo jo sepse lista e Lulzim Bashës ka moral, por sepse kjo listë është funerali i forcës politike, që lindi për të shembur komunizmin dhe sot po shemb themelet e saj.

Lista që iu ofroi Lulzim Basha shqiptarëve është një sharlatanizëm i pakufi, ku kllounët, servilët, ministra hajdutë, sharlatanë dhe palaço janë shpresa e vetme që Lulzim Basha të firmosë ?vdekjen? e tij politike.

Problemi i kësaj liste nuk fillon dhe nuk mbaron tek mungesa e Jozefina Topallit, por është fyese, pasi në këtë listë shkëlqen Grida Duma, mungon Astrit Patozi dhe shkëlqen Vullnet Topalli, mungon Ridvan Bode dhe shkëlqen Ervin Salianji.

Në listë kryeson Aldo Bumçi, por mungon Majlinda Bregu. Flamuri kryeson Kukësin, por mungon profesor Myqerem Tafaj. Rikthehet në krye të listës Tritan Shehu, por mnugon profesor Sherefedin Shehu.

Në Fier shkëlqen Enkelejd Alibeaj, pas tij ministri më i akuzuar në Prokurori, Genc Pollo.
Çfarë do i’u thonë shqiptarëve për preshin e Tritan Shehut apo për çunin e Fahriut. Për kreun e PD në Korçë, drejtorin e akuzuar se merrte 2000 euro për të emëruar një mësues.

Po për kërmillin kush do iu flas shqiptarëve. Edmond Spaho nuk është poshtë në listë, është kryesues, megjithëse ndoshta vlen më pak se Nard Ndoka.

Bashën nga pas e ndjekin pesë zonja, poshtë tyre vjen ndonjë hajdut, ndonjë palaço, ndonjë sharlatan, dhe kush nuk e gjen dot veten në këto që themi, do t?ia shprehim ditë pas dite.

Në Vlorë lista e PD vlen më pak se vetë shoku Vangjel, jo Dulja i vërtetë, por Dule budallai që shëtiste rrugëve të Korçës apo Ver Llapa, i rrugëve të Tiranës, që ndoshta shkëlqen më shumë në Tiranë, se gjysma e listës që ka ofruar Luli.

Tani, kjo listë ka një emër, quhet lista Lulzim Basha, e Lulzim Basha në fakt ndoshta vlen më pak se Dulja dhe Ver Llapa i vërtetë!/CityNews