web counter
LEXO PA REKLAMA!

SHKARKO APP

App Store
Google Play

Blindohet Vlora pas krimit të dyfishtë/Nga ikën autorët

24 Maj 2017, 18:56, Aktualitet CNA

Forca të shumta policie kanë zbarkuar në qytetin bregdetar të Vlorës, pas atentatit me një viktimë. Uniformat blu kanë rrethuar menjëherë qytetin dhe zonat përreth pas atentatit me armë zjarri ndaj drejtorit të OSHEE, Roland Saliu.

Ngjarja ka ndodhur rreth orës 19:30 në mes të qytetit të Vlorës, në zonën e quajtur Sheshi i Flamurit. Si pasojë e të shtënave ka humbur jetën në vendngjarje kreu i OSHEE-së së Vlorës, ndërsa i plagosur ka mbetur edhe një tjetër person.

Mendohet se autorët të kenë qenë të maskuar, të cilët janë larguar me një makinë sapo kanë qëlluar me personat.

Rasti dyshohet të ketë qenë një atentat i mirëfilltë, pasi automjeti i autorit apo autorëve, ë ngjarjes është gjetur i djegur në një fshat të Vlorës.

Policia ka blinduar qytetin në të gjitha hyrjet dhe daljet. Mendohet se autorët janë larguar nëpër fshatrat e Vlorës.

Në pamjet nga vendngjarja shihen edhe një biçikletë dhe një palë shapka, ndërsa mësohet se i plagosuri që gjendet në spitalin rajonal, ndodhet jashtë rrezikut për jetën. Sipas dëshmitarëve, ai ka marrë plumba në mënyrë rastësore./CityNews





Lajmet e fundit nga