web counter
LEXO PA REKLAMA!

SHKARKO APP

App Store
Google Play

E fundit!

x

Një femër në krahun e djathtë të Ramës/Kush e zëvendëson Niko Peleshin

21 Maj 2017, 20:16, Aktualitet CNA

Kryedemokrati Lulzim Basha ka propozuar në postin e zëvendëskryeministrit teknik Ledina Mandian. Mandia ka lindur në Tiranë në qershor të vitit 1974 dhe është juriste me profesion. Ajo ka qenë Avokate e Shtetit në kohën kur Shqipëria qeverisej nga Partia Demokratike dhe u larguar prej kësaj detyre me ardhjen në pushtet të së majtës, për t?u zëvendësuar nga Alma Hiçka.

Mandia u bë e njohur për publikun kur u thirr si dëshmitare në Komisionin Hetimor për CEZ.
Mandia ka filluar punë në Avokaturën e Shtetit si Avokate e Shtetit më 6 prill të vitit 2007, në pozicionin e Avokates së Shtetit për Arbitrazhin Ndërkombëtar. Në janar të vitit 2010 është emëruar nga Kryeministri Berisha në pozicionin e Avokatit të Përgjithshëm të Shtetit. Në datën 7 tetor të vitit 2013, me urdhrin e kryeministrit Rama është liruar nga detyra e Avokates së Përgjithshme të Shtetit.

Megjithatë Ledina Mandia është larguar përfundimisht nga Avokatura e Shtetit në shtator të vitit 2014.
Ndërkohë, mbrëmjen e sotme ajo u propozua nga Basha si zv/kryeministre, propozim i cili u pranua nga kryeministri Rama. Mandia do të zëvendësojë në këtë post Niko Peleshin, deri më 25 qershor, kur pritet të zhvillohen zgjedhjet parlamentare./CityNews





Lajmet e fundit nga