E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Basha “shah-mat” Ramës me një lëvizje në qeveri?!

21 Maj 2017, 21:05, Aktualitet CNA

Për herë të parë në historinë e Shqipërisë një femër do të mbajë postin më të lartë në qeveri. Bëhet fjalë për postin e zëvendëskryeministrit, i cili do të mbahet, ndonëse për vetëm një muaj, nga një femër. Kjo është një risi, që e sjell për herë të parë kreu i Partisë Demokratike, Lulzim Basha. Ky i fundit propozoi mbrëmjen e sotme emrat e ministrave teknikë, që do të qeverisin përkrah kryeministrit Edi Rama deri më 25 qershor.

Nga lista e publikuar në media, e cila u dërgua menjëherë për dekretim te Presidenti Bujar Nishani nga kryeministri Rama, ra në sy emri i zv/kryeministres, e cila për herë të parë është një femër. Është pikërisht avokatja Ledina Mandia, që do të jetë në krah të Edi Ramës përgjatë këtij muaji.

Ky emër mund të jetë një provokim i dyfishtë që Basha po i bën Ramës. Së pari, Ledina Mandia u lirua nga detyra e Avokates së Përgjithshme të Shtetit me urdhër të Edi Ramës, menjëherë sapo ky i fundit u ul në karrigen e kryeministrit.

Së dyti, kryeministri Rama njihet për mbështetjen e fortë që ka ndaj grave dhe përfshirjen e tyre të gjerë në politikë. Ai nuk harron t?iu thur lavde në çdo aktivitet apo takim elektoral, duke treguar deri dobësi ndaj tyre. Mund të njihet si kryeministri, që i ka vlerësuar dhe ofruar më shumë në poste të larta gratë, duke krijuar dhe politikën e barazisë, 50% burra, 50% gra.

Avokatja Mandia do të jetë në krahun e djathtë të Ramës, gjatë këtij muaji fushate elektorale, për ta ndjekur kudo dhe në çdo vendim. Ajo do jetë ?macja e zezë? për kryeministrin Rama, ku do të kontrollojë çdo lëvizje të tij që mund të bëhet në kurriz të zgjedhjeve.

Nuk e dimë nëse kryeministri Rama do vijojë punën normalisht sikur të kishte në krah Niko Peleshin, apo do të tentojë ?të joshë? avokaten, që do e shoqërojë në këtë rrugë të shkurtër, në mënyrë që kjo e fundit të bëhet palë me të. Megjithatë, duket e vështirë që Rama, ndonëse dashamirës i grave, të gjejë gjuhën e përbashkët me Mandian, për vetë faktin se e ka larguar nga detyra këtë fundit.

Qeveria e re pritet të nisë menjëherë punën, ndaj dhe do të shohim se ç?do të ndodhë në vijim./CityNews