E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Video/Peleshi flet si Berisha

20 Maj 2017, 11:42, Aktualitet CNA

Dy liderët kryesorë në vend, Edi Rama dhe Lulzim Basha, arritën dy ditë më parë marrëveshjen, duke i dhënë fund krizës së gjatë politike, në të cilën ishte zhytur vendi.

Kjo marrëveshje, e arritur pas një sërë negociatash politike vendase, por edhe ndërkombëtare, në fakt ishte paralajmëruar nga ish-kryeministri Sali Berisha. Pak kohë më parë, Berisha foli gjatë një interviste televizive për një marrëveshje të re politike. Ai tha me bindje se vendi ka nevojë për një marrëveshje të re, ku ndryshimet kushtetuese të jenë frymëzuese për konkludimin e një marrëveshjeje të re.

?Mendoj se vendi, dhe jam i bindur që nuk jam vetëm unë, ka nevojë për një marrëveshje të re. Mendoj se ndryshimet kushtetuese duhet të jenë frymëzuese për konkludimin e një marrëveshjeje të re, dhe këtyre politikanëve do t?iu mbetet merita e një marrëveshjeje të re. Me gjëra të pjesshme asgjë nuk zgjidhet?, tha Berisha.

Por, një ditë më parë një gjë të tillë dëgjuam ta thoshte nga qyteti juglindor i Korçës edhe zëvendëskryeministri ende në detyrë, Niko Peleshi. Ai tha gjatë një takimi me gratë dhe vajzat se PS nuk i intereson pushteti, por e nesërmja, hapja e një faqeje të re në historinë e Shqipërisë. Peleshi pra foli për një faqe të re në vend, në të cilën sipas tij, nuk do të flitet më me gjuhën e urrejtjes.

?Nuk është pushteti ai që na intreseson më shumë, por e nesërmja, qetësia, qytetaria, hapja e një faqeje të re në historinë e Shqipërisë. Në këtë faqe të re të Shqipërisë do të flitet ndryshe, jo me gjuhën e urrejtjes. Ne nuk duam një Parlament, ku konsumohen vetëm shpifje dhe akuza, por një Parlament ku ndahen alternativa zhvimi. Nuk duam më një fushatë, e cila mbaron me një fitues të papranuar, të kontestnuar, por një fushatë me qytetari dhe ku fituesi nuk kontestohet, tha Peleshi.

Në të dyja rastet, kemi pothuajse të njëjtën ide të thënë nga dy politikanë mjaft të rëndësishëm në vend. Por, ka një dallim në deklaratat e tyre. Berisha është i pari që flet për marrëveshjen e re, duke i paraprirë asaj. Ndërsa, një ditë më parë, Peleshi foli nga Korça si ish-lideri demokrat, Sali Berisha, duke parashtruar idenë e tij, e cila tashmë është bërë fakt.

CityNews iu sjell më poshtë dy videot, ku Berisha dhe Peleshi flasin për marrëveshje dhe faqe të të Shqipërisë./CityNews