web counter
LEXO PA REKLAMA!

SHKARKO APP

App Store
Google Play

Pas lirimit nga akuza e përdhunimit/ E ardhmja e Julian Assange

20 Maj 2017, 11:25, Aktualitet CNA

Themeluesi i  rrjetit informative ndërkombëtar ?WikiLeaks?, Julian Assange, pas shpalljes së vendimit  për pushimin e  hetimit shtatëvjeçar nga Prokuroria suedeze  tha se nuk do t?i falë dhe as nuk do ti harrojë përpjekjet për arrestimin e tij nën dyshimet për përdhunim, të cilat e kanë detyruar të kërkojë strehim në Ambasadën e Ekuadorit në Londër.

Duke e cilësuar pushimin e çështjes së përdhunimit si ?fitore të rëndësishme?, Assange tha se është i gatshëm për dialog me autoritetet amerikane dhe britanike. 45 vjeçari kërkohet në SHBA që nga viti 2010, kur WikiLeaks publikoi mijëra dosje sekrete amerikane.Ai ka përfituar azil nga Ekuadori dhe prej vitit 2012 banon në ambasadën e Ekuadorit në Londër, nga frika se ekstradimi në Suedi do të çonte në ekstradimin e tij në SHBA.Vendimi i fundit i prokurorëve suedezë nënkupton se Assange nuk është më nën hetime në Suedi.

Por, policia britanike tha se Assangee do të arrestohet nëse largohet nga ambasada, pasi  ka një urdhërarrest ndaj tij për mosparaqitje në gjykatë më 2012, që ajo është e detyruar ta zbatojë. Ekuadori, ndërkaq, i kërkoi Britanisë t?i mundësojë Assange largim të sigurt nga vendi.

?Sot është një fitore e rëndësishme për mua dhe sistemin e OKB-së për të drejtat e njeriut, por kjo, në asnjë mënyrë, nuk i shlyen shtatë vjet paraburgim pa akuza, ndërsa fëmijët e mi janë rritur. Këtë nuk do ta fal, as nuk do ta harroj?, tha Assange nga ballkoni i ambasadës ekuadoriane.





Lajmet e fundit nga