web counter
LEXO PA REKLAMA!

SHKARKO APP

App Store
Google Play

E fundit!

x

Imoraliteti i politikës shqiptare në një foto

19 Maj 2017, 10:28, Aktualitet CNA

Thonë që politika është k*rvë, në fakt fotoja e mësipërme e vërteton katërcipërisht. Në tryezën e datës 17, dolën dhjetë parti parlamentare pas ftesës së dyshes Mediu-Duka.

Po ta interpretosh pak foton e  kupton se me çfarë politike kemi të bëjmë dhe pse ndoshta dy krerët e partive të mëdha kanë të drejtë që me marrëveshje të lënë jashtë koalicioneve ?të vegjlit?, të cilët kalojnë sa majtas djathtas.

Në foto shikoni Petrit Vasilin, kreun e sotëm të LSI, ish ministër i Berishës, më parë zëvendës ministër i socialistëve. Pas tij qëndron Mimoza Hafizi e LIBRA, deputete e PS, kundërshtare e ashpër e Ramës dhe qeverisë.

Pas Hafizit është ulur Shpëtim Idrizi, ish drejtor Tatimesh dhe Doganash në kohën e Fatos Nanos, një nga njerëzit e akuzuar për korrupsion në atë kohë, i sulmuar ashpër nga Berisha, deputetet i PS më pas, mbështetës i Ramës, ndahet dhe shkon te PDIU duke dalë deputet nga lista e PD në Fier. Sot aleati i Edi Ramës në qeveri.

Në krah të djathtë të Lulzim Bashës, Vangjel Dule, kreu PBDNJ, ka qenë me PS, kaloi me PD, iku prapë me PS dhe tani është me PD.

Në krah të Dules është Nard Ndoka, iku nga PD me PDR-në, bashkohet me PDK e Nikoll Lesit, i merr partinë, kalon me PD, pastaj me PS, prapë me PD.

Agron Duka kryetari i Partisë Ambientaliste Agrare, ish ministër socialist, sekretar i Edi Ramës për Bujqësinë, kalon me republikanët zgjidhet deputet në Durrës, tani merr partinë Ambientaliste Agrare është në opozitë me qeverinë. Nuk ka asnjë dyshim pse mos të jetë nesër pjesë e qeverisë së Edi Ramës.

Në atë foto që shihni në 10 vetë vetëm dy nga ata burra nuk ka lëvizur, Fatmir Mediu i Partisë Republikane dhe Dashamir Shehu i LZHK. Dikur edhe ata janë përplasur me Partinë Demokratike, por kanë qëndruar te linja e partisë së tyre politke, gjithmonë djashtas.

Kjo foto tregon shumë se si është skena politike në Shqipëri dhe çfarë është politika në të vërtetë./CityNews





Lajmet e fundit nga