E fundit!

11:56 Aktualitet

Çështja "Berisha"/ Braho, këshilla opozitës: Nëse pretendoni se i janë shkelur të drejtat drejtohuni gjykatave

Kreu i SPAK-ut Klodjan Braho është përballur me pyetjet e ...

Hakmarrja e Ramës dhe Bashës ndaj Ilir Metës

19 Maj 2017, 09:50, Aktualitet CNA

Dje pas mesdite, palët politike në vend bënë publike marrëveshjen e arritur një muaj përpara datës zyrtare të zgjedhjeve, pikërisht në ditën kur fillonte fushata elektorale. Një lëvizje politike, e cila pati disa viktima të përkohshme nga ana e mazhorancës, por edhe një futje të opozitës në zgjedhje, duke u tërhequr edhe ajo nga shumë kërkesa dhe qëndrime që më parë i artikulonte, si kushte të panegociushme.

Në fakt marrëveshja e firmosur nuk mund të ishte thjesht dhe vetëm një akt që do të gëzonte të gjitha palët, detaj pas detaji duke lexuar rreshtat e asaj që firmosi Rama dhe Basha dje, u zbulua fakti se dy të mëdhenjtë nuk kishin firmosur rivendosjen e afatit të regjistrimit të koalicioneve në zgjedhje. Pra të gjitha palët do të garonin më vete. Disa nga kryetarët e Partive të vogla reaguan ashpër, por problemi më i madh nuk janë disa individë që kanë nga një parti si pronë e tyre, por është LSI, forca politike e cila zmadhohet, duke rrudhur dy të mëdhenjtë, nga 70 mijë vota në stafin e saj, LSI ka siguar 280 mijë vota në zgjedhjet e fundit lokale, në zgjedhjet e 2013 ishte 180 mijë vota.

Po pse aleatët e vegjël të Bashës dhe Ramës nuk janë problem dhe LSI është vërtet ajo që mund të quhet viktima e dy palëve.

E gjithë marrëveshja përveç zgjidhjes së krizës, synon edhe dobësimin e LSI, që duket të jetë një hakmarrje e fortë e dyshes Rama-Basha, ndaj Ilir Metës. Sjellja e tij politike, me kalimin e kohës e bëri kreun e LSI, nga njeriun që shitej si luajal në njeriun e bezdisshëm të palëve.

Lulzim Basha i lutej çdo ditë Ilir Metës, në 4 vite opozitë nuk e sulmoi me shpresën se ky i fundit do të kalonte në krahun e tij, Meta jo vetëm nuk shkoi, jo vetëm e gënjeu disa herë publikisht, por në fund e la Lulzim Bashën me gisht në gojë.

Edi Rama ishte gjithmonë në tensionin që vinte nga artikulimet, akuzat dhe sulmet e pandalshme të LSI që shpesh e dëmtonin qeverinë më shumë se sa opozita. Shpesh LSI artikulonte edhe qëndrimin e saj se donte kryeministrin dhe ai duhet të ishte Meta, si dhe nuk ndalej edhe duke theksuar se tentote të dilte forcë e parë.

Një gangrenë politike që rritej çdo ditë duke dëmtuar të dy të mëdhenjtë, duket se i erdhi momenti që të provojë realisht, a mund të behet forcë e parë. Hakmarrja e dy të mëdhenjve është prova e LSI se sa i vlen lëkura që me shumë gjasa dhe sipas votave që ka, mund të shkojë nga 10-12 mandate e vetme dhe në koalicion me një nga palët, mund të shkonte afërsisht mbi një 22 mandate. Këto 10 mandate do të kalojnë tek të mëdhenjtë që ndoshta sërish mund t?ju duhet LSI për të formuar qeverinë, por duhet të presin të hapen kutitë për të parë dhe lexuar situatën, sepse mund të kemi një realitet ku Ilir Meta dhe LSI mos t?i duhen askujt.

Është koha që të tregojë kjo forcë politike se cili është realiteti i saj elektoral, sa mandate siguron kjo sipas votave reale, jo sipas përfitimeve që vijnë nga skema e sistemit elektoral. Tani është koha e një shansi për LSI./CityNews