E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Prokuroria zbarkon në zyrën e kryegjyqtarit të Apelit/Dyshohet për manipulim me shortin

18 Maj 2017, 08:43, Aktualitet CNA

Kryetari i Gjykatës së Apelit Tiranë, Hysni Demiraj është vënë nën hetim nga Prokuroria si i dyshuar për manipulimin e shortit në procesin gjyqësor për pronësinë e televizionit ?Top Channel?. Burime nga prokuroria konfirmojnë se pak ditë më parë është regjistruar procedimi penal për akuzën e shpërdorimit të detyrës, pas dyshimeve se është manipuluar shorti për zëvendësimin e gjyqtares Zegjine Sollaku nga gjyqtari Hysni Demiraj. Ky i fundit ishte përfolur disa javë përpara se të ?përzgjidhej? nga shorti elektronik si pjesë e trupës gjyqësore që po gjykon çështjen e pronësisë së televizionit Top Channel. Për këtë arsye, avokatët kërkuan në seancë gjyqësore përjashtimin e gjytarit Demiraj, pasi ai refuzoi të dorëhiqej. Por si për çudi, pjesë e trupës gjyqësore që shqyrtoi kërkesën për përjashtimin e Demirajt ?u zgjodh? Fatri Islamaj, një tjetër gjyqtar i përfolur në këtë çështje. Ky trup gjykues vendosi të rrëzojë kërkesën për përjashtimin e Demirajt, i cili vijon të jetë pjesë e gjykimit.

Pas refuzimit për t?u dorëhequr, një nga palët në proces ju drejtua me një kallëzim penal Prokurorisë së Tiranës ku argumentoi se shorti për përzgjedhjen e Demirajt ishte i manipuluar. Ky fakt sipas kallëzimit provohet me disa të dhëna të pa kundërshtueshme, të cilët pritet të konfirmohen edhe nga hetimi i prokurorisë. Fakti kryesor dhe i pa kundërshtueshëm është përfolja e Hysni Demirajt tre javë përpara se ai të përzgjidhej nga shorti elektronik, të cilin gjithashtu e drejton po vetë. Cityneës.al paralajmëroi me disa shkrime manipulimin e shortit në Gjykatën e Apelit, por sërish gjyqtari Demiraj nuk u tërhoq. Tashmë ai do përballet me prokurorinë pas dyshimeve të forta se shorti është manipuluar prej tij.

Ditën e djeshme, oficerë dhe prokurorë zbarkuan në zyrën e Demirajt, ku këqyrën kompjuterin e tij të punës dhe sekuestruan praktikën e hedhjes së shortit. Deri tani asnjë dokument për hedhjen e shortit nuk është vënë në dispozicion të palëve në proces gjykimi, edhe pse kjo ka qenë kërkesë e vazhdueshme nga ana e tyre. Sipas burimeve nga Gjykata e Apelit mësohet se në këtë gjykatë përdoret një program i cili lë gjurmë në sistem për çdo veprim që kryehet me shortin. Por nga ana tjetër, personi i vetëm që ka akses në këtë sistem është kryetari i Gjykatës, i cili këtë radhë ishte aq ?me fat? sa shorti i hedhur prej tij përzgjodhi po atë për gjykimin e çështjes Top Çhannel. Cityneës.al do të publikojë në ditët në vijim të tjera detaje nga skandali i pa procedentë që ka përfshirë Gjykatën e Apelit Tiranë pas zgjedhjes në krye të saj të Hysni Demirajt. Tashmë kjo çështje po trajtohet zyrtarisht nga prokuroria, e cila pritet të kryerjë një hetim të plot për të zbardhur të vërtetën e shortit në Gjykatën e Apelit./Citynews