web counter
LEXO PA REKLAMA!

SHKARKO APP

App Store
Google Play

E fundit!

x

Garda e Republikës merr në mbrojtje ish ministrin Saimir Tahiri

18 Maj 2017, 08:08, Aktualitet CNA

 

Kërcënimet ndaj ish ministrit të Brendshëm, Saimir Tahiri, e kanë detyruar qeverinë të rinovojë vendimin përkatës dhe vënien e tij nën mbrojtjen e Gradës së Republikës. Sikurse lajmëron gazeta Sot, ditën e djeshme, kryeministri Edi Rama ka marrë një vendim ?surprisë?, duke vendosur që Tahiri për dy vite të jetë nën masa të forta sigurie. Për këtë Kryeministri Edi Rama ka urdhëruar një ndryshim në vendimin e vitit 2007 ?Për përcaktimin e personaliteteve të tjera të larta shtetërore të vendit, që do të ruhen dhe mbrohen nga Garda e Republikës së Shqipërisë edhe pas lirimit nga funksioni?.

Vendimi i mëparshëm parashikonte që Ministri i Brendshëm dhe Prokurori i Përgjithshëm  të ruhen dhe mbrohen me shoqërim nga oficerë dhe nënoficerë deri në dy muaj pas lirimit nga detyra. Por dje qeveria i ka ndryshuar afatet, duke bërë që këto dy personalitete të ruhen deri në dy vite. I vetmi që përfiton, aktualisht, nga ky ndryshim është Saimir Tahiri, pasi kryeprokurori Adriatik Llalla.është ende në ushtrim të detyrës funksionale.

Ndryshimi i vendimit është bërë ndërkohë që gjatë kësaj jave Tahirit duhej t?i hiqeshin shoqëruesit për shkak të mbushjes së afatit të parashikuar nga vendimi i vjetër. Sipas informacioneve, ndaj ish  Ministrit ka pasur kërcënime të vazhdueshme edhe kur ka qenë në detyrë dhe, për këtë arsye, qeveria pretendon se jeta e tij mund të jetë në rrezik, ndaj vendimi i ri i garanton mbrojtje me eskortë deri në vitin 2019./CityNews





Lajmet e fundit nga