web counter
LEXO PA REKLAMA!

SHKARKO APP

App Store
Google Play

E fundit!

x

Fitoi apo humbi Lulzim Basha?

18 Maj 2017, 08:20, Aktualitet CNA

Sot në orët e para të mëngjesit, kryeministri Edi Rama dhe kreu demokrat, Lulzim Basha në një dalje pas takimit të tyre përreth 3 orësh deklaruan se kishin një marrëveshje, detajet e saj do të specifikoheshin sot.

Burime zyrtare i thanë CityNews se marrëveshja e arritur është paketa McAllister me disa ndryshime, ashtu siç raportoi CityNews më parë, e cila përjashton disa pika, siç është zgjedhja e Presidentit, proces i cili tashmë është mbyllur.

Nga ana tjetër, marrëveshja sot pritet të ketë detaje përfundimtare dhe ajo që ka pranuar Lulzim Basha është më pak se ajo që i është ofruar në prill, kur Shqipërinë e vizitoi nënkryetari i PEE-ve McAllister dhe eurokomisioneri Knut Fleckenstein.

Basha edhe njëherë u nxitua të shpallte fitoren. Në fakt nuk duket të jetë ndonjë fitore, thjesht është vonuar një muaj më shumë dhe ka marrë më pak. Këtu nuk po përmendim përplasjet dhe betejën e Partisë Demokratike duke pasur kundër ndërkombëtarët, nga ana tjetër strukturat e saj u lodhën dhe u stërmunduan dhe janë të sfilitura përpara fushatës elektorale dhe duket se Basha ka arritur një fitore imagjinare.

Fitorja e vërtetë pritet të shihet në kutinë e votimit, por të tilla fitore Basha ka shpallur shpesh, siç ishin zgjedhjet lokale të 21 qershorit, ku fitoi 15 nga 61 bashki, megjithëse në një humbje dërrmuese, fitorja u shpall. Tani të njëjtën fitore pritet ta shohim pas rreth dy muajsh në zgjedhjet e ardhshme parlamentare./CityNews





Lajmet e fundit nga