web counter
LEXO PA REKLAMA!

SHKARKO APP

App Store
Google Play

E fundit!

x

Kandidatët për deputetë që kanë probleme me ligjin (Emrat)

16 Maj 2017, 17:10, Aktualitet CNA

Një numër jo i pakët deputetësh të legjislaturës së fundit, por dhe që pritet të jenë në listën e garës për zgjedhjet e jashtëzakonëshme të 11 qershorit, kanë probleme me ligjin si të akuzuar për vepra të ndryshme penale, njofton ?Bota sot?, sipas të cilës kjo ka ndodhur dhe pritet të ndodhë pasi Kosova ende nuk ka një ligj apo kod të mirësjelljes, që t?ua ndalojë personave të cilët janë në hetime apo kanë aktakuza të kandidojnë për deputetë.

Deputetët e legjislaturës së fundit, nga radhët e PDK-së, disa prej të cilëve mund të jenë në  lista zgjedhore, Shkuri Buja , Elmi Reçica, Adem Grabovci , Zenun Pajaziti, Besim Beqaj e Bekim Haxhiu, janë nën hetime apo akuzohen për vepra  të ndryshme penale, vijon raportimin Bota…

Naser Osmani, ish-deputetë i LDK-së dhe kryetar i Komisionit për Buxhet dhe Financa, në legjislaturën e fundit po ashtu akuzohet nga Prokuroria e Kosovës, i cili mund të jetë përsëri në listën për deputetë nga kjo parti.

Numër të madh të akuzuar të ish-deputetëve ka Lëvizja Vetëvendosje, për shkak të hedhjes së gazit lotsjellës në Kuvendin e Kosovës, si shenjë kundërshtimi i dy marrëveshjeve, Demarkacionit dhe  Asociacionit.

Albin Kurti, Albulena Haxhiu, Aida Derguti, Faton Topallit, Donika Kadaj-Bujupi, Ismajl Kurteshit Fisnik Ismaili, Shqipe Pantina, e  Glakuk Konjufca i akuzuar për dëmtim të veturave të EULEX-it, janë ish-deputetët e VV-së, të cilët mund të jenë përsëri në listën për tu zgjedhur deputetë.

Kreu i Nismës për Kosovën, Fatmir Limaj përveç që ende përballet me rastin  për kohën kur ishte ministër  i Transportit dhe Telekomit, ndaj tij është ngritur aktakuzë për krime lufte. Ndërsa, bashkëpartiaku i tij, Haxhi Shala akuzohet për hedhje të gazit lotsjellës.

Pal Lekaj ish- shef i Grupit Parlamentar të AAK-së, po ashtu përballet me aktakuzë, për keqpërdorim të detyrës zyrtare në kohën kur ishte kryetar i komunës së Gjilanit.

Po ashtu, deputeti i pavarur Nait Hasani akuzohet për deklarim të rrejshëm të pasurisë, sikurse edhe Duda Balje e Hetem Arifi.

President i Kosovës Hashim Thaçi, por edhe faktori ndërkombëtar, sidomos Amerika e Britania e Madhe kanë bërë thirrje që në listat për deputetë mos të ketë persona që kanë probleme me ligjin, e përmbyll lajmin gazeta ?Bota Sot?.





Lajmet e fundit nga