web counter
LEXO PA REKLAMA!

SHKARKO APP

Ekskluzive/ Prokuroria fillon hetimet për kryegjyqtarin e Apelit

16 Maj 2017, 16:37, Aktualitet CNA

Prokuroria e Tiranës ka filluar hetimet për kryegjyqtarin e Apelit Tiranë, Hysni Demiraj, raporton CityNews.

Burime konfidenciale i thanë CityNews se prokuroria e kryeqytetit ka hapur një dosje penale ndaj Kryetarit të Gjykatës të Apelit Tiranë,  Hysni Demiraj.

Të njëjtat burime theksuan se hetimi ka nisur pas disa akuzave të ngritura ndaj tij kohët e fundit, por nuk sqaroi se cila ishte fusha ku akuzohet Demiraj, korrupsioni aktiv-pasiv, rryshfete, vendime gjykate apo çështje të tjera.

CityNews mësoi se hetimet kanë filluar prej disa ditësh dhe prokurorët e çështjes po hetojnë intensivisht drejtuesin e Gjykatës të Apelit në Tiranë.

Hysni Demiraj mban prej më shumë se një viti postin e lartë në Apelin e Tiranës. Këshilli i Lartë i Drejtësisë e ka zgjedhur atë në mbledhjen  e datës  7 Mars 2016,  deri atëherë Demiraj mbante postin e gjyqtarit në këtë gjykatë./CityNews





Lajmet e fundit nga