web counter
LEXO PA REKLAMA!

SHKARKO APP

App Store
Google Play

Kompanitë sërbe, barna të falsifikuara për tregun kosovar

16 Maj 2017, 15:08, Aktualitet CNA

Disa kompani farmaceutike kosovare kanë rënë viktimë e tri fabrikave të barnave nga Serbia, të cilat këtyre ua kanë shitur barnat me CPP të falsifikuara. Barnat në vlerë prej 3 milionë eurosh janë bllokuar prej më shumë se pesë vjetësh. Rreth rastit në fjalë Policia ka dorëzuar kallëzim penal në Prokurori e këta thonë se është e pamundur të identifikohet rasti, shkruan sot, Zeri.info.

Tri kompani serbe të barnave ?Hemofarm?, ?Jugoromedia? dhe ?Zdravlje?, duke falsifikuar çertifikatat e kualitetit të produkteve (CPP) për një kohë të gjatë u kanë shitur kompanive kosovare sasi të madhe të barnave esenciale, të cilat janë përdorur kryesisht nëpër institucionet publike shëndetësore në vend.

Rreth dhjetë kompani farmaceutike kosovare janë në hall me institucionet e shtetit, pasi që prej më shumë se tre vjetësh nëpër depot e tyre janë bllokuar një sasi e madhe e barnave me origjinë nga Serbia.

Pas një hetimi ndërkombëtar, ku kanë qenë të përfshira Policia e Kosovës, EULEX-i dhe INTERPOL-i, ka rezultuar se CPP-të që kanë sjellë ato në Agjencinë e Kosovës për Produkte dhe Pajisje Medicinale (AKPPM) kanë qenë të falsifikuara, ku dhe me vendim të autoriteteve kosovare është bllokuar një sasi e barnave në vlerë prej më shumë se tre milionë euro.

Për shkak se kanë kaluar më shumë se tre vjet nga bllokimi i barnave afatet e tyre kanë skaduar duke i bërë kështu të papërdorëshme për tregun . Është kjo arsyeja që pronarë të kompanive kosovare, që kanë rënë viktimë të kompanive serbe, po ankohen se kanë humbur, por edhe po humbin shuma të mëdha parash pasi, prej më shumë se tre vjetësh, po paguajnë qira për t?i ruajtur produktet nëpër depo. /CityNeës

 





Lajmet e fundit nga