web counter
LEXO PA REKLAMA!

SHKARKO APP

App Store
Google Play

Këshilli i Sigurimit të OKB/ SHBA bën thirrje për njohjen e Kosovës

16 Maj 2017, 16:05, Aktualitet CNA

 Në selinë e Kombeve të Bashkuara në Nju Jork ka nisur seanca e Këshillit të Sigurimit për Kosovën, në të cilën shqyrtohet raporti i fundit tremujor i sekretarit të Përgjithshëm të Kombeve të Bashkuara, Antonio Guteres, kushtuar punës së UNMIK-ut dhe situatën në Kosovë nga data 16 janar deri 15 prill.

Zëvendës ambasadorja e SHBA-ve pranë Kombeve të Bashkuara, Mishel Sison, ka thënë të martën se vendi i saj përsërit thirrjen që Kwshilli i Sigurimit të shtyjë raportimin e UNMIK-ut nga tre në gjashtë muaj, ndërsa u bëri thirrjeve shteteve anëtare të OKB-së që nuk e kanë njohur Kosovën ta bëjnë këtë.

?Uashingtoni mbështet reduktimin e UNMIK-ut në dritën e përparimit që ka arritur Kosova?, ka thënë zëvendësambasadorja Sison, duke theksuar se udhëheqësit në Beograd dhe Prishtinë duhet të revitalizojnë bisedimet dhe të zbatohen marrëveshjet e dialogut, duke punuar në mënyrë aktive.

?Kufomat në Raçak janë dëshmi e masakrës dhe dhunës që ka ndodhur atje?, ka thënë diplomatja amerikane duke iu kundërvënë ministres serbe Nela Kuburoviq rreth akuzave për rolin e ish-diplomatit William Woker derisa ishte shef i misionit të OSBE-së në Kosovë.

Për më tepër, diplomatja amerikane ka përsëritur se kufijtë e vendeve të Ballkanit janë të definuar, dhe ka inkurajuar vendet që nuk e kanë njohur Kosovën ta bëjnë këtw.

?U bëjmë thirrje liderëve nga rajoni që t?i shmangen deklaratave ndezëse dhe të fokusohen në gjëra, të cilat u sjellin vendeve të tyre përparim?, ka thënë Sison, ndërsa ka kritikuar kërkesën e UNMIK-ut që buxheti për vitin e ardhshëm të rritet për dy milionë dollarë, transmeton KosovaPress.





Lajmet e fundit nga