web counter
LEXO PA REKLAMA!

SHKARKO APP

App Store
Google Play

“Shqiptarët janë të ndarë”/A po lobon ish-diplomati amerikan për "Shqipërinë e Madhe”?

15 Maj 2017, 09:36, Aktualitet CNA

Ish-diplomati amerikan, William Walker, ka përshkruar shqiptarët dhe serbët, duke thënë se të parët janë të ndarë dhe nuk gjejnë gjuhë të përbashkët për çështje madhore.

Ndonëse, mohon se lobon për Shqipërinë e Madhe. Për këtë akuzë që iu bë nga zyrtarët e Serbisë thotë se mënyrën e propagandës e kanë njësoj sikur të Slobodan Milosheviçit.

Ai thotë të jetë keqkuptuar, ngase me deklaratën për unitet të shqiptarëve, të thënë në 17 vjetorin e themelimit të AAK?së së Ramush Haradinajt, nuk e mendoi bashkimin e shqiptarëve në një shtet.
?Kur e kam thënë këtë, kam menduar se shqiptarët në Kosovë, Shqipëri e Maqedoni, do të ishin shumë më mirë nëse do të punonin bashkë. Unë isha në Maqedoni javën e kaluar dhe shqiptarët atje janë shumë të ndarë. Edhe diaspora shqiptare poashtu është e ndarë?.

?Mendoj gjithashtu se këtu në Kosovë, komuniteti shqiptarë, duhet të lë anash diferencat politike e të bashkohet?, ka thënë ambasadori Walker, në një intervistë për Klan Kosova.

Sipas ambasadorit, janë udhëheqësit serbë ata që gjithëherë janë munduar të frikësojnë botën me idenë e Shqipërisë së Madhe. Ndërsa shton, se është i befasuar me deklaratën e kryeministrit serb Aleksandar Vucic, se Walker fabrikoi masakrën e Reçakut, e cila ishte edhe momenti kyç për të filluar bombardimet e NATO?s.

Ambasadori amerikan që shërbeu në Kosovë gjatë vitit 1999 si përfaqësues i OSBE?së, së fundi ka themeluar një fondacion i cili do të quhet Fondacioni Walker, e që do të jetë i vendosur edhe në Kosovë, për t?i ndihmuar qytetarët kosovarë për të ardhme më të mirë.





Lajmet e fundit nga