E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Nga Marko Bello/Përpara se të votojmë ...

15 Maj 2017, 09:13, Aktualitet CNA

Filozofi rumun Andrei Plesu thote se ai qe ka problemin e te shprehurit, ka ne fakt problemin e te menduarit. Mirepo ai qe ka problemin e te menduarit, nuk eshte fare i dobishem ne sferat e larta te pushtetit.

Para se te diskutojme per strategji qeverisese apo projekte qe i duhen vendit, para se te debatojme per projektligje apo te percaktojme prioritetet tona ne kontekstin gjeopolitik aktual, para se te vleresojme efiçencen e institucioneve vitale te shtetit, duhet per nje çast te ndalemi per te kuptuar modelin qe partite politike na servirin per zgjedhjet parlamentare dhe lokale.

Me pak fjale, para se te hedhim fleten e votimit me nxitim nga frika se mos ndryshojme mendjen apo se mos humbasim vendin e punes, mire eshte te kqyrim cilesite profesionale, integritetin moral dhe kapacitetin intelektual te atyre qe neser do te marrin vendime per ne, qe do te kene ne dore fatet e kombit dhe qe do te jene pergjegjesit per administrimin e krejt vendit.

Ne pamundesi per t’i takuar nga afer apo per t’i njohur drejtepersedrejti, ne mund gjithsesi te krijojme nje pershtypje te pare nga ajo qe shikojme, degjojme apo lexojme. Informacionet qe vershojne nga te gjitha anet na mundesojne te krijojme nje ide apo te kemi nje mendim tonin per secilin prej kandidateve.

Per nje gje duhet te jemi te sigurt: dikush qe gerdufet, qe eshte arrogant apo shprehet ne menyre te ceket dhe vulgare nuk mund te kualifikohet, ne kushte normale, per poste apo funksione publike. Ndonje perjashtim ne rrethana te vecanta nuk mund te shitet dhe as imponohet kurrsesi si rregull.

E veshtire te mos shtrosh pyetjen se mbi ç’fare baze apo mbi cilat parime apo modele partite politike sjellin ne parlament, qeveri apo administraten publike individe me te kaluar te dyshimte, shpeshhere edhe kriminale, njerez, sjellja e te cileve duket kilometra larg se eshte mediokre, e rendomte dhe e pakualifikueshme.

E keqja thuhet se nuk ka fund, dhe ne shpesh kenaqemi duke votuar per te keqen me te vogel. Por, ne kemi mundesi te vendosim vetem 1 here ne 4 vjet, prandaj duhet ta peshojme mire voten qe te mos zhgenjehemi me vone dhe te nxitojme te mbyllim syte apo veshet, me shpresen e kote se keshtu do te shpetojme nga turpi per te cilin ne vete kontribuam./CityNews