web counter
LEXO PA REKLAMA!

SHKARKO APP

App Store
Google Play

E fundit!

x

Detaje tronditëse/Viktimës në Mat i vranë dhe vëllain 4 vite më parë

14 Maj 2017, 20:31, Aktualitet CNA

Të tjera detaje kanë dalë në dritë nga ngjarja e rëndë e ndodhur mbrëmjen e sotme në Mat.

60-vjeçari Hajredin Lleshi u ekzekutua me breshëri automatiku në pragun e derës së shtëpisë. Vrasja duket se ka lidhje me të shkuarën.

Ekzekutimi i të vëllait 4 vitë më parë

Rreth 4 vite më parë, me të njëjtën mënyrë vrasjese është ekzekutuar edhe vëllai i viktimës së sotme, Xhavit Lleshi. Në vitin 2013, 48-vjeçarit Xhavit Lleshi iu zu pritë për herë të dytë dhe u qëllua për vdekje me 15 plumba.

Ngjarja e rëndë në atë kohë ndodhi në fshatin Pujt të Matit, kur persona të paidentifikuar i zunë pritë automjetit të Xhavitit, duke e qëlluar me breshëri automatiku. Një vit para se ta vrisnin, në 2012-n, në po të njëjtin vend, atë e qëlluan me armë por arriti të shpëtonte.

Pistat e dyshimit

Një nga pistat në të cilat policia dyshon për vrasjen e Hajredin Lleshit është ajo e hakmarrjes. Policia është vënë në kërkim të autorëve të cilët duke përfituar nga errësira arritën të largohen në kohë. Postblloqe të shumta janë vendosur në Rrugën e Kombit./CityNews





Lajmet e fundit nga