web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Mat/Policia rrethon zonën: Dyshohet për hasmëri

14 Maj 2017, 20:07, Aktualitet CNA

Policia e Matit ka reaguar për vrasjen e ndodhur mbrëmjen e sotme në fshatin Rukaj. Uniformat blu bëjnë me dije se janë njoftuar për ngjarjen e rëndë nga djali i viktimës.

Më tej, policia sqaron se ka ngritur pika të shumta kontrolli dhe ka nisur krehjen e zonës për identifikimin dhe kapjen e autorëve të krimit.

Ja njoftimi i plotë:

Në sallën operative të Komisariatit të Policisë Mat, ka telefonuar një djalë dhe ka thënë se në fshatin Rukaj, persona të pa njohur me një automjet, më kanë vrarë babain.
Menjëherë janë nisur forca të shumta policie në drejtim të fshatit Rukaj, për verifikimin e telefonatës ku ka rezultuar se:
Persona të panjohur duke përfituar edhe nga errësira, në oborr të banesës kanë vrarë me armë zjarri shtetasin H.Ll, rreth 60 vjeç, dhe janë larguar me shpejtësi me një automjet ende të paidentifikuar.
Nga ana e Policisë janë ngritur pika të shumta kontrolli dhe po krehet zona për identifikimin dhe kapjen e autorëve të implikuar në këtë ngjarje. Paraprakisht dyshohet se vrasja është kryer për hasmëri./CityNews





Lajmet e fundit nga